Pension Latest News: पेन्शनधारकांसाठी एक आनंदाची बातमी आहे. तुम्हीही पेन्शनचा लाभ घेत असाल तर आता तुम्हाला सरकारकडून मिळणारी पेन्शन (सरकारी पेन्शन) 50 टक्क्यांनी वाढणार आहे.
पेन्शन वाढल्यामुळे तुमच्या खात्यात जास्त पैसे येतील, पण त्याचा फायदा काही लोकांनाच मिळू शकेल. जुनी पेन्शन योजना लागू करण्यासाठी देशभरात मोहीम सुरु आहे. त्याचवेळी, अशा परिस्थितीत, पेन्शनमध्ये 50 टक्क्यांपर्यंत वाढ ही कर्मचाऱ्यांसाठी खूप आनंदाची बातमी आहे.
सन 2006 मध्ये निवृत्त सरकारी कर्मचाऱ्यांशी (Employees) संबंधित निवृत्तीवेतनधारक आणि त्यांच्या कुटुंबीयांना राज्य सरकारकडून हा लाभ मिळणार आहे. निवृत्ती वेतनात सुधारणा करण्यात आली असून, त्यामध्ये अतिरिक्त निवृत्तीवेतनासाठी निर्देश देण्यात आले आहेत.
या संदर्भात अधिसूचना जारी करण्यात आली आहे की, 80 ते 85 वर्षांखालील निवृत्तीवेतनधारक आणि कुटुंब निवृत्तीवेतन धारकांना 20 टक्के अतिरिक्त पेन्शनचा लाभ मिळेल. यासोबतच, 85 ते 90 वयोगटातील पेन्शनधारक आणि कौटुंबिक पेन्शनधारकांना मूळ पेन्शनच्या 30 टक्के अधिक म्हणजे या लोकांना 30 टक्के अतिरिक्त पेन्शन मिळेल.
यासोबतच, 90 वर्षे ते 95 वर्षांपेक्षा कमी वयोगटातील निवृत्तीवेतनधारक आणि कौटुंबिक पेन्शनधारकांना सुधारित मूळ पेन्शन किंवा कौटुंबिक निवृत्ती वेतनाच्या 40 टक्के अधिक रक्कम मिळेल.
त्याचवेळी, 95 ते 100 वर्षांखालील पेन्शनधारकांना 50 टक्के अधिक पेन्शन रक्कम मिळेल. याशिवाय, 100 वर्षे किंवा त्याहून अधिक वयाच्या लोकांसाठी 100 टक्के अतिरिक्त पेन्शन रक्कम उपलब्ध असेल.
याचा फायदा राज्यातील पेन्शनधारकांना होणार आहे. अतिरिक्त पेन्शन किंवा कौटुंबिक निवृत्ती वेतनाची रक्कम स्वीकारण्याची प्रक्रिया पेन्शन अधिकारी किंवा सार्वजनिक क्षेत्रातील बँकांच्या प्रादेशिक कार्यालयाद्वारे सुनिश्चित केली जाईल. याशिवाय, पेन्शन किंवा कौटुंबिक निवृत्ती वेतनाच्या रकमेची पेमेंट ऑर्डरही अधिकारीच देईल.
याशिवाय महागाईचा (Inflation) दर वाढला की, डीएही वाढतो. सरकार जेव्हा नवीन वेतन आयोग लागू करते तेव्हाही पेन्शन वाढवते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.