संपूर्ण शेअर बाजाराचं लक्ष लागून असलेल्या Paytm IPO लॉंचची तारीख अखेर जाहीर झाली आहे. त्यानुसार Paytm IPO 8 नोव्हेंबरला उघडणार आहे. IPO साठी Paytm च्या शेअर्सची किंमत 2,080 ते Rs 2,150 प्रति शेअर ठेवण्यात आली आहे. कंपनीचा आयपीओ 10 नोव्हेंबर रोजी बंद होईल. सूत्रांनी दिलेल्या माहितीनुसार , कंपनीने याबाबत सेबीकडे कागदपत्रे सादर केली आहेत. हे किंमत श्रेणीसह 'अपडेट' केले जातील. तर दुसरीकडे Nykaa चा IPO आज उघडत आहे.(Paytm IPO will open on 8 November share price will be 2080 to 2150)

पेटीएमने 18 नोव्हेंबर रोजी मार्केटमध्ये शेअर्सची लिस्टिंग करण्याची योजना आखली आहे. पेटीएमने आपल्या आयपीओचा आकार 18,300 कोटी रुपयांपर्यंत वाढवण्याचा निर्णय घेतला आहे. यापूर्वी ते 16,600 कोटी रुपये होते. कंपनीचे सर्वात मोठे शेअरहोल्डर अलीबाबा ग्रुप असलेल्या अँट फायनान्शियल आणि सॉफ्टबँकसह विद्यमान गुंतवणूकदारांनी कंपनीतील त्यांचे बहुसंख्य हिस्सेदारी विकण्याचा निर्णय घेतला आहे.

विद्यमान भागधारकांद्वारे उच्च भागविक्रीमुळे ऑफर फॉर सेल (OFS) चा आकार रु. 1,700 कोटींनी वाढून रु. 10,000 कोटी होणार . सुमारे अर्धी विक्री ऑफर अँट फायनान्शिअल आणि उर्वरित अलीबाबा, एलिव्हेशन कॅपिटल, सॉफ्टबँक आणि इतर विद्यमान भागधारकांकडून आहे. पेटीएमने त्यांच्या IPO दस्तऐवजात सॉफ्टबँकद्वारे भागविक्रीचा उल्लेख केलेला नाही. नियामक आवश्‍यकतेनुसार 25 टक्‍क्‍यांच्‍या खाली स्‍टेक आणण्‍यासाठी अँट फायनान्शियलला किमान 5 टक्के स्‍टेक विकावा लागणार आहे.

सध्या पेटीएममध्ये अँट फायनान्शियलचा 29.6 टक्के हिस्सा आहे. आयपीओ आणल्यावर, कंपनीची हिस्सेदारी 25 टक्क्यांपेक्षा कमी करावी लागेल. असे मानले जाते की OFS च्या माध्यमातून ती सुमारे 5000 कोटींचे शेअर्स विकेल.याशिवाय कंपनीत सॉफ्ट बँकेची हिस्सेदारी 19.60 टक्के, एलिव्हेशन कॅपिटलची 17.20 टक्के, कंपनीचे संस्थापक विजय शेखर शर्मा यांची हिस्सेदारी 14.60 टक्के, जॅक माची कंपनी अलिबाबाची 7.2 टक्के, वॉरेन बफेटची कंपनी द हॅके 28 टक्के आणि कंपनीचे संस्थापक विजय शेखर शर्मा यांची हिस्सेदारी 7.2 टक्के आहे. इतरांचा वाटा 9 टक्क्यांच्या जवळपास आहे. ही भागीदारी पेटीएमची मूळ कंपनी One97 कम्युनिकेशनमध्ये आहे.