तुम्हाला एका आर्थिक वर्षात 20 लाख रुपयांपेक्षा जास्त रक्कम जमा करायची असेल किंवा काढायची असेल, तर आज 26 मे पासून पॅनकार्ड किंवा आधार कार्ड दाखवणे अनिवार्य झाले आहे. बँकांमध्ये चालू खाती उघडण्यासाठीसुध्दा हा नियम लागू असेल.

सेंट्रल बोर्ड ऑफ डायरेक्ट टॅक्सेस (CBDT) ने एका अधिसूचनेत म्हटले आहे की, आर्थिक वर्षात बँकांमधून उच्च मूल्याच्या ठेवी किंवा पैसे काढण्यासाठी स्थायी खाते क्रमांक (PAN) किंवा आधारकार्ड देणे बंधनकारक असेल. बँक किंवा पोस्ट ऑफिसमध्ये खाते उघडण्यासाठी हे आवश्यक आहे.(opening bank account depositing or withdrawing cashall these rules have changed today know complete details)

सध्या आयकर उद्देशांसाठी पॅन आणि आधार अनिवार्य आहेत. व्यवहारात पॅन कार्डचा वापर प्रत्येकासाठी दीर्घ काळापासून अनिवार्य करण्यात आला आहे. ज्या प्रकरणांमध्ये व्यक्तीकडे उच्च मूल्याच्या व्यवहारांसाठी पॅनकार्ड नाही. जसे की परकीय चलन खरेदी करणे किंवा बँकांमधून मोठ्या प्रमाणात पैसे काढणे. वित्त कायदा, 2019 मध्ये आधारसह पॅन स्वॅप करण्याची तरतूद देखील करण्यात आली आहे.

आयकर कायद्यांतर्गत आपला पॅनकार्ड देणे किंवा कोट करणे आवश्यक आहे. ज्याला पॅनकार्ड नाही परंतु आधार क्रमांक आहे. अशा प्रत्येक व्यक्तीला पॅनच्या बदल्यात बायोमेट्रिक आयडी देऊ शकेल अशी तरतूद करण्यात आली आहे.