OnePlus किंवा नवनवीन मोबाईल विकत घेण्यासाठी उत्सुक असलेल्या ग्राहकांसाठी ही बातमी आनंदाची आहे. OnePlus Nord 2 5G उद्या 22 जुलै रोजी भारतात लॉन्च होणार आहे. आपला हा नवा फोन लॉंच करण्यापुर्वी कंपनीने बॅटरी आणि वेगवान चार्जिंग सुविधेची वैशिष्ट्ये ग्राहकांसमोर ठेवली आहेत. One Plusने आधीच आपल्या या मिड-रेंज स्मार्टफोनच्या काही प्रमुख वैशिष्ट्यांबद्दल माहिती दिली आहे. बाजारात येणाऱ्या या नव्या फोनची किंमत देखील कमी होणार असल्याच्या चर्चा सुरु आहेत. वनप्लस नॉर्ड 2 ब्ल्यु हेझ (Blue Haze), ग्रे सिएरा (Gray Sierra), ग्रीन वुड्स, (Green Woods) आणि रेड कलर (Red colour) असे चार कलरमध्ये उपलब्ध असणार आहे. (OnePlus Nord 2 will launch on July 22; Learn about the features of OnePlus Nord 2 5G)

OnePlusच्या अधिकृत ट्विटर हँडलवरुन मिळालेल्या माहितीनुसार हा फोन 4,500mAhची बॅटरी आणि Warp Charge 65 या Fast Chargingच्या सुविधेसह उपलब्ध असणार आहे. या ट्विटमध्ये असा उल्लेखही करण्यात आला आहे की, वॉरप चार्ज 65 मुळे स्मार्टफोन केवळ 15 मिनिटांत फुल चार्ज होते जी पुर्ण दिवस पुरेल.

OnePlus Nord 2 मध्ये एक 90Hz रीफ्रेश रेटसह एक 6.43 इंच AMOLED डिस्प्ले HDR10 + सर्टिफिकेशनसह मिळणार असल्याची शक्यता आहे. तर या स्मार्टफोनच्या किंमतीही लीक झाले असून त्याचा बेस मॉडेल 8GB+128 जीबी स्टोरेज व्हेरिएंटची किंमत रु. 31,999 तर, 12GB +256GB स्टोरेज व्हेरिएंटची किंमत रु. 34,999 असणार असल्याचे समजते आहे.