मायक्रोब्लॉगिंग साईट ट्विटरबाबत मोठी बातमी समोर आली आहे. जगातील सर्वात श्रीमंत व्यक्ती आणि इलेक्ट्रिक कार कंपनी टेस्लाचे सीईओ इलॉन मस्क (Elon
Musk) यांनी सांगितले की, ट्विटर विकत घेण्याचा करार तात्पुरता थांबवण्यात आला. गेल्या महिन्यात, मस्कने $44 बिलियनमध्ये ट्विटर खरेदी करण्याची घोषणा केली आहे. एलन मस्क यांनी ट्विट करुन ही माहिती दिली आहे. (On twitter deal hold Elon Musks big announcement)

मस्क म्हणाले की, मायक्रोब्लॉगिंग साइटच्या एकूण युजरबेसमध्ये स्पॅम किंवा बनावट खाती 5 टक्क्यांहून कमी असल्याचे आढळून येईपर्यंत हा करार थांबवण्यात आला. ट्विटर विकत घेण्यासाठी त्यांनी 19 गुंतवणूकदारांकडून 7 अब्ज डॉलर म्हणजेच 50 हजार कोटी रुपयांचा निधी उभारण्यात आला आहे.

एलन मस्क यांनी ट्विट करत सांगितले आहे की, ट्विटर डील तात्पुरती होल्डवर ठेवण्यात आली आहे. स्पॅम आणि बनावट खात्यांमुळे हा करार थांबवण्यात आला असल्याचे त्यांनी सांगितले आहे. ट्विटरने अलीकडेच माहिती दिली होती की, त्यांच्या प्लॅटफॉर्मवर फक्त 5 टक्के स्पॅम किंवा बनावट खाती उघडण्यात आली आहेत. सोशल मीडिया प्लॅटफॉर्मवर 229 दशलक्ष वापरकर्ते असल्याचे सांगितले आहे.

एलन मस्कने ट्विटर विकत घेतल्यानंतर ट्विटर बोर्डात गोंधळ उडाल्याचे दृश्य होते. ट्विटरवरून दोन कर्मचाऱ्यांना काढून टाकण्यात आले आहे तर काढून टाकलेल्या दोन कर्मचार्‍यांमध्ये ट्विटरचे महाव्यवस्थापक कायवान बॅकूर आणि कंपनीचे महसूल आणि उत्पादन प्रमुख ब्रूस फॉक यांचा समावेश आहे.