ईलेक्ट्रिक बाईक बनविणारी ओला कंपनी आता त्यांची ई-कार (Ola Electric Car) लॉन्च करण्याच्या तयारीत आहे. ओला कंपनी येत्या 15 ऑगस्टला आपली पहिली ईलेक्ट्रिक कार बाजारात घेऊन येण्याची शक्यता आहे. कंपनीचे सीईओ भावेश अग्रवाल (CEO Bhavish Aggarwal) यांनी याबाबत ट्विटर वरती माहिती दिली आहे. ओलाच्या ई-बाईकची मार्केटमध्ये अधिक मागणी आहे. त्यात आता कंपनीची ई-कार येत असल्याने ग्राहकांमध्ये उत्सुकता आहे.

भावेश अग्रवाल यांनी ट्विटमध्ये कार बाबत अधिक माहिती दिलेली नाही. मात्र, कार बाबत ओला कंपनीच्या चाहत्यांना काही हिंट दिल्या आहेत. त्यामुळे कंपनी ग्राहकांसाठी काय खास घेऊन येणार हे पाहणं म्हत्वाचे ठरणार आहे. "ओलाचे नवीन उत्पादन बाजारात घेऊन येताना आनंद होत आहे. 15 ऑगस्टला हे उत्पादन बाजारात येईल. येत्या काळात भविष्यातील योजनांबाबत अधिक माहिती दिली जाईल. लाईव्ह स्ट्रिमचे वेळी आणि लिंक दिली जाईल." असे ट्विट भावेश अग्रवाल यांनी केले आहे.

दरम्यान, ओला कंपनीच्या ई - बाईकला (Ola E-Bike) बाजारात मोठी मागणी आहे. मागील काही दिवसांपूर्वी बाईक मधील काही तांत्रिक अडचणीचा भाग सोडता, ओला ई बाईक खरेदीला पंसदी देत आहेत. आता कंपनीची ई कार (Ola E-car) येत असल्याने काय नवीन फिचर, मायलेज, आणि लूक याबाबत ग्राहकांमध्ये उत्सुकता आहे. तसेच, बाजारात असलेल्या इतर ईलेक्ट्रिक कार सोबत ओलाची तगडी फाईट पहायला मिळण्याची शक्यता आहे.