Modi Government: भारत झपाट्याने जगाचं स्टार्टअप हब बनत चालला आहे. जगातील इतर देशांच्या तुलनेत देशात सर्वाधिक वेगाने स्टार्टअप्स तयार होत आहेत. यापैकी अनेक यशस्वी स्टार्टअप्स युनिकॉर्नची पातळी गाठण्यात यशस्वी झाले आहेत.
पंतप्रधान नरेंद्र मोदी यांच्या नेतृत्वाखालील सरकारमध्ये गेल्या नऊ वर्षांत देशातील स्टार्टअपची संख्या 300 पटीने वाढल्याचे केंद्रीय मंत्री जितेंद्र सिंह यांनी शनिवारी सांगितले. पंतप्रधान कार्यालयातील राज्यमंत्री (PMO) सिंह यांच्या गृह मतदारसंघ उधमपूरमध्ये सुरु झालेल्या दोन दिवसीय 'यंग स्टार्ट-अप कॉन्क्लेव्ह'मध्ये बोलत होते.
जितेंद्र सिंह म्हणाले की, “भारतातील (India) स्टार्टअप्स गेल्या 9 वर्षांत 300 पटीने वाढले आहेत. 2014 पूर्वी जवळपास 350 स्टार्टअप्स होते, तेव्हापासून स्टार्टअप्सची संख्या 90,000 हून अधिक झाली आहे. यापैकी 100 हून अधिक स्टार्टअप्स आता युनिकॉर्न बनले आहेत.
मोदींनी प्रोत्साहन दिलेले स्टार्टअप आंदोलन आता देशाच्या प्रत्येक भागात पोहोचत आहे. 'स्टार्टअप इंडिया, स्टँडअप इंडिया' हा पंतप्रधानांचा मंत्र सरकारी नोकरीच्या मानसिकतेतून हळूहळू बाहेर पडलेल्या आणि विशिष्ट क्षेत्रात नवीन संधी निर्माण करण्यासाठी तयार असलेल्या तरुणांसाठी लाखो रोजगाराच्या संधी निर्माण करत आहेत.''
उधमपूर येथील परिषद उद्योगांना तसेच उद्योजकांना या क्षेत्रातील नवीन मार्ग शोधण्याची संधी प्रदान करते. ते पुढे म्हणाले की, पंतप्रधान मोदींच्या नेतृत्वात जम्मू आणि काश्मीरला प्रत्येक गोष्टीत अधिक प्राधान्य दिले जाते, म्हणूनच जम्मू आणि काश्मीर स्पर्धात्मक दृष्टीने स्पर्धा करत आहे.
देशातील इतर राज्ये आणि केंद्रशासित प्रदेशांसह विकसित होत आहे. सिंह शेवटी म्हणाले की, "2023 हे वर्ष अनेक कारणांसाठी महत्त्वाचे आहे, कारण भारताला G20 चे अध्यक्षपद मिळालेले आहे. मोदींच्या प्रयत्नांमुळे हे वर्ष संयुक्त राष्ट्रांकडून (United Nations) आंतरराष्ट्रीय बाजरी वर्ष म्हणून साजरे केले जात आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.