Nitin Gadkari News: हायवेवरुन प्रवास करणाऱ्यांसाठी एक आनंदाची बातमी आहे. तुम्हीही हायवेवरुन प्रवास करत असाल तर केंद्रीय मंत्री नितीन गडकरी यांनी एक मोठी अपडेट दिली आहे.

गडकरी यांनी शुक्रवारी सांगितले की, दिल्ली-डेहराडून एक्स्प्रेस वेचे बांधकाम या वर्षी डिसेंबरअखेर पूर्ण होईल. या एक्स्प्रेस वेच्या माध्यमातून हायवेवरुन प्रवास करणाऱ्यांना मोठा फायदा होणार आहे.

एक्सप्रेस वे 212 किमी लांबीचा असेल

गडकरी म्हणाले की, एक्सप्रेस वे 212 किमी लांबीचा असून त्याच्या बांधकामासाठी 12,000 कोटी रुपये खर्च आला आहे. गडकरी पुढे म्हणाले की, सहा पदरी दिल्ली-डेहराडून एक्सप्रेसवेचे 60-70 टक्के बांधकाम पूर्ण झाले आहे.

दिल्लीहून 90 मिनिटांत हरिद्वारला पोहोचणार

पाचव्या अयोध्या महोत्सवाला संबोधित करताना गडकरी म्हणाले की, दिल्ली-डेहराडून एक्स्प्रेस वेचे बांधकाम या वर्षीच्या डिसेंबरअखेर पूर्ण होईल, त्यानंतर प्रवाशांना अवघ्या दोन तासांत दिल्लीहून डेहराडून आणि दिल्लीहून (Delhi) हरिद्वारला अवघ्या दोन तासांत पोहोचता येईल.

एका अधिकृत निवेदनानुसार, एक्सप्रेसवे चार खंडामध्ये विभागला गेला आहे. दिल्ली-मुंबई एक्सप्रेसवेच्या सुरुवातीच्या ठिकाणापासून दिल्लीतील अक्षरधामजवळ शास्त्री पार्क, खजुरी खास, बागपत, शामली, सहारनपूर ते उत्तराखंडमधील (Uttarakhand) डेहराडून मार्गे बांधला जाईल.

निवेदन जारी केले

निवेदनानुसार, संपूर्ण एक्स्प्रेस वेच्या बांधकामात अनेक विशेष तरतुदी करण्यात आल्या असून गणेशपूर ते डेहराडून हा मार्ग वन्यजीवांसाठी सुरक्षित करण्यात आला आहे. निवेदनानुसार, 12 किलोमीटर उन्नत रस्ता, सहा पशु अंडरपास, दोन हत्ती अंडरपास, दोन मोठे पूल आणि 13 लहान पुलांची तरतूद आहे.