महागाई जनतेचा पिच्छा सोडण्याचे काही नाव घेत नाही. जीएसटीमुळे आधीच पॅकेज्ड फूडचे भाव वाढले असून त्यात आता दुधाचेही भाव वाधारले आहेत. काही दिवसांपूर्वी अमुलने दुधाच्या दरात वाढ केल्यानंतर आता मदर डेअरीनेही दुधाचे दर वाढवले आहेत. मदर डेअरीने (Mother Dairy) फुल क्रीम, टोन्ड आणि डबल टोन्ड दुधाच्या किमती वाढवल्याचं म्हटलं आहे. मदर डेअरीने फुल क्रीम दुधाच्या दरात प्रतिलिटर 2 रुपयांनी वाढ केली असून एका लिटरची किंमत 66 रुपये एवढी झाली आहे. उद्यापासून दिल्ली एनसीआरमध्ये वाढलेल्या किमती लागू होणार आहेत.

(Mother Dairy increases milk rates effective from 27 December)

मदर डेअरीने यंदा पाचव्यांदा दुधाच्या दरात वाढ केली आहे. डेअरीने गाईचे दूध आणि टोकन (बल्क वेंडेड) दुधाच्या दरात मात्र वाढ न करण्याचा निर्णय घेतला आहे. उत्पादन खर्चात वाढ झाल्याने दुधाच्या दरात वाढ करण्यात येत असल्याचे मदर डेअरीने म्हटले आहे. उद्यापासून दिल्ली-एनसीआर बाजारात दुधाच्या दरात प्रतिलिटर 2 रुपयांनी वाढ होणार आहे. दुधाच्या नवीन दरांमुळे देशांतर्गत अर्थसंकल्पावर परिणाम होणार आहे. मदर डेअरी दिल्ली एनसीआरमध्ये दररोज 30 लाख लिटरहून अधिक दुधाचा पुरवठा करते.

मदर डेअरीने म्हटले आहे की, मंगळवार, 27 डिसेंबर 2022 पासून दिल्ली एनसीआरमध्ये दुधाची किंमत प्रति लिटर 2 रुपयांनी महाग होईल. मदर डेअरी यंदा पाचव्यांदा दूध दरवाढ केली आहे. यापूर्वी नोव्हेंबरमध्ये दुधाचे दर 64 रुपये करण्यात आले होते. तर जानेवारी 2022 मध्ये एक लिटर दुधाची किंमत 57 रुपये होती.

मदर डेअरीने फुल क्रीम दुधाच्या दरात प्रतिलिटर 2 रुपयांनी 66 रुपयांची वाढ केली आहे. तर टोन्ड दुधाची किंमत 51 रुपये प्रतिलिटरवरून 53 रुपये प्रतिलिटर करण्यात आली आहे. त्याचप्रमाणे दुहेरी टोन्ड दुधाची किंमत 45 रुपये प्रतिलिटरवरून 47 रुपये प्रतिलिटर करण्यात आली आहे.