Will Govt bring back 1000 Note?: नोटबंदीनंतर चलनी नोटांबाबत अनेक प्रकारच्या बातम्या येत आहेत, मात्र आता जुन्या 1000 रुपयांच्या नोटेबाबत मोठी बातमी आली आहे.
मीडिया रिपोर्ट्सनुसार, सरकार ही नोट पुन्हा सुरु करु शकते. नोटाबंदीच्या वेळी सरकारने ही नोट बंद करुन देशातील भ्रष्टाचाराला आळा घातला असल्याचा दावा केला होता.
काळा पैसा बाहेर काढण्यासाठी सरकारने अशा नोटा बंद करण्याचा निर्णय घेतला होता, परंतु आता सरकार पुन्हा एकदा 1000 रुपयाची नोट सुरु करणार आहे.
ज्या उद्देशाने सरकारने (Government) या नोटबंदी केली होती, तो उद्देशही बऱ्याच अंशी सफल झाला आहे. सध्या बातम्या येत आहेत की, सरकार पुन्हा एकदा 1000 रुपयाची नोट जारी करु शकते. 20216 मध्ये सरकारने 1000 रुपयाची नोट बंद करुन 2000 रुपयाची नोट जारी केली.
नोटाबंदीच्या वेळी लोकांना अनेक समस्यांना सामोरे जावे लागले होते. त्यावेळी लोकांना नोटा बदलून घेण्यासाठी लांबच लांब रांगेत उभे राहण्याचा त्रास सहन करावा लागत होता. सध्या बाजारात 2000 रुपयांच्या नोटा खूपच कमी दिसत आहेत.
RBI च्या वार्षिक अहवालात असे म्हटले आहे की, 31 मार्च 2022 पर्यंत 2,000 रुपयांच्या एकूण 214.20 कोटी नोटा (2000 रुपयांची नोट) चलनात होत्या. हे एकूण नोटांच्या 1.6% आहे. मूल्यावर नजर टाकल्यास एकूण 4,28,394 कोटी रुपयांच्या नोटा चलनात आहेत. मूल्याच्या बाबतीत, 13.8% नोटा अस्तित्वात आहेत.
8 नोव्हेंबर 2016 रोजी पंतप्रधान नरेंद्र मोदी (Prime Minister Narendra Modi) यांनी देशात नोटाबंदीची घोषणा केली होती. यानंतर त्याच दिवशी मध्यरात्रीपासून देशात 500 आणि 1000 रुपयांच्या चलनावर बंदी घालण्यात आली. मात्र, यानंतर लोकांना बँकेतून नोटा बदलून देण्याची परवानगी देण्यात आली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.