Bank Holidays: नवीन वर्षांत जानेवारी महिन्यातील बँक सुट्ट्यांची यादी RBI ने जाहीर केली आहे. RBI च्या यादीनुसार जानेवारीत 13 दिवस बँका बंद राहणार आहेत. तसेच, काही सुट्ट्या ह्या ठराविक राज्ये किंवा प्रदेशांमध्येच असतील. रविवारी पाच दिवस आणि शनिवारच्या दोन दिवस सुट्या असतील.

(List Of Bank Holidays In January 2023)

एक जानेवारी हा रविवार आहे. मिझोराममध्ये 2 जानेवारीला, 3-4 जानेवारीला इंफाळच्या विविध भागात बँका बंद राहतील. 8 जानेवारीला रविवार आणि 14 जानेवारीला दुसरा शनिवार सुट्टी आहे. तर, 15 जानेवारी रविवार आहे. 22 जानेवारीला रविवार असल्याने बँका बंद राहतील. 26 जानेवारीला प्रजासत्ताक दिनी काही भाग वगळता बँका बंद राहतील. 28 जानेवारी हा चौथा शनिवार आणि 29 जानेवारी रविवार आहे.

दरम्यान, बँक सुरक्षितता वाढवण्याच्या दृष्टिकोनातून एक पाऊल पुढे टाकत, रिझर्व्ह बँक ऑफ इंडिया (RBI) ने देशभरातील बँकांना 1 जानेवारी 2023 पर्यंत लॉकरसेवा वापरत असलेल्या विद्यमान ग्राहकांसोबत लॉकर कराराचे नूतनीकरण करण्याचे निर्देश दिले आहेत. मध्यवर्ती बँकेच्या या निर्णयामुळे बँकेच्या लॉकर वापराबाबत अनिवार्य नियमांमध्ये अनेक बदल होणार आहेत. ग्राहकांना 31 डिसेंबरपूर्वी मार्गदर्शक तत्त्वांचे पालन करण्याच्या सूचनाही देण्यात आल्या आहेत.