LIC Pension Plan: एलआयसीकडून ग्राहकांना अनेक प्रकारच्या सुविधा दिल्या जातात. आज आम्ही तुम्हाला LIC (LIC Pension Scheme) च्या अशा पेन्शन योजनेबद्दल सांगत आहोत, ज्यामध्ये तुम्हाला दरमहा पेन्शनचा लाभ मिळतो.

LIC च्या या अद्भुत योजनेत तुम्हाला एकरकमी पैसे जमा करावे लागतील आणि तुम्हाला वयाच्या 40 व्या वर्षापासून पेन्शनचा लाभ मिळू लागेल. एलआयसीच्या या पॉलिसीचे नाव सरल पेन्शन योजना (LIC Saral Pension Yojana) आहे.

सिंगल प्रीमियम योजना

एलआयसीची सरल पेन्शन योजना (LIC Saral Pension Yojana) ही एकल प्रीमियम पेन्शन योजना आहे, ज्यामध्ये पॉलिसी घेतल्यानंतर प्रीमियम एकदा भरावा लागतो.

यानंतर तुम्हाला आयुष्यभर पेन्शन मिळत राहील. पॉलिसी धारकाचा मृत्यू झाल्यास, सिंगल प्रीमियमची रक्कम त्याच्या नॉमिनीला परत केली जाते.

सरल पेन्शन योजना ही एक तात्काळ वार्षिकी योजना आहे, म्हणजेच तुम्ही पॉलिसी घेताच तुम्हाला पेन्शन मिळू लागते. ही पॉलिसी घेतल्यानंतर जेवढी पेन्शन सुरु होते, तेवढीच रक्कम आयुष्यभर मिळते.

काय आहे या योजनेची खासियत-

>> या योजनेच्या लाभासाठी किमान वयोमर्यादा 40 वर्षे आणि कमाल 80 वर्षे आहे.

>> या पॉलिसीमध्ये आयुष्यभर पेन्शनचा लाभ मिळतो.

>> सरल पेन्शन पॉलिसी सुरु झाल्यापासून सहा महिन्यांनंतर कधीही सरेंडर केली जाऊ शकते.

>> तुमच्याकडे दरमहा किमान 1000 रुपये पेन्शन मिळण्याचा पर्याय आहे.

तुम्हाला किती पेन्शन मिळेल?

या सरल पेन्शन (Pension) योजनेत तुम्हाला किमान 1000 रुपये पेन्शन मिळू शकते. तुमचे वय 40 वर्षे आहे आणि तुम्ही 10 लाख रुपयांचा सिंगल प्रीमियम जमा केला आहे, त्यानंतर तुम्हाला वार्षिक 50250 रुपये मिळू लागतील जे आयुष्यभर उपलब्ध असतील.

याशिवाय, जर तुम्हाला तुमची जमा केलेली रक्कम या दरम्यान परत हवी असेल, तर अशा परिस्थितीत, 5 टक्के रक्कम वजा करुन, तुम्हाला जमा केलेली रक्कम परत मिळते.

कर्ज सुविधेचाही लाभ मिळेल

एलआयसीच्या या पेन्शनचा फायदा असा आहे की, तुम्ही त्यावर कर्जाचा लाभही घेऊ शकता. तुम्हाला कोणताही गंभीर आजार असेल तर तुम्ही त्याच्या उपचारासाठी पैसेही घेऊ शकता.

या पेन्शन योजनेसोबत तुम्हाला गंभीर आजारांची यादीही दिली जाते. पॉलिसी सरेंडर केल्यावर, मूळ किमतीच्या 95% परत मिळतात. योजना सुरु केल्यानंतर 6 महिन्यांनंतर तुम्ही कर्जासाठी अर्ज करु शकता.