LIC: एलआयसीला महिन्यात दुसरा झटका! जाणून घ्या किती झाले नुकसान

LIC: एलआयसी ही देशातील सर्वात मोठी वीमा कंपनी म्हणून ओळखली जाते.आता एलआयसीला मोठा एका महिन्यात दुसरा झटका बसला आहे. जानेवारी महिन्यात अमेरिकेतील हिंडेनबर्ग रिर्सच कंपनीने एक अहवाल प्रसिद्ध केला होता.

हिंडेनबर्गने आपल्या रिपोर्टमध्ये अदानी समूहावर मोठे आरोप लावले होते. अदानी समुदाय हा फसवणूक करत असल्याचा दावा या अहवालात केला आहे. त्यानंतर शेअर मार्केटमध्ये अदानींच्या शेअरमध्ये मोठी उलथापालथ झाल्याचे दिसून आले आहे. अदानी समुदायाच्या कंपनीच्या शेअरमध्ये गुंतवणूक असलेल्या कंपन्याच्या शेअरमध्येदेखील मोठी घसरण झाल्याचे समोर आले आहे.

एलआयसीचीदेखील अदानी समुदायाच्या शेअर मार्केटमध्ये गुंतवणूक असल्याने एलआयसीच्या शेअरवर परिणाम झाला आहे. याबरोबरच एलआयसीच्या मार्केट कॅपिटालायझेशनमध्ये महिन्याभरात 75 हजार करोड रुपयांनी घट झाली आहे.

दरम्यान,अदानी ग्रृपच्या अंतर्गत सूत्रांनी दिलेल्या माहितीनुसार या महिन्यात एलआयसीला काही प्रमाणात नफा झाला आहे. मात्र एलआयसीने अजून कोणतीही अधिकृत माहिती दिली नाही.