IRCTC Goa Tour Package: तुम्हालाही व्हॅलेंटाइन डे तुमच्या मित्रांसोबत किंवा लाइफ पार्टनरसोबत बीचवर साजरा करायचा आहे तर तुम्ही गोव्याला जाऊ शकता. गोव्याला जाण्यासाठी ही योग्य वेळ आहे. तुम्ही गोवा बीचवर मावळत्या सुर्याचा आनंद घेउ शकता. तसेच तुम्ही रेस्टॉरंटमधील संगीत आणि गोवन फूडचा आस्वाद घेउ शकता. तुम्हालाही 14 फेब्रुवारीला गोव्यात पार्टी करायची असेल तर IRCTC तुमच्यासाठी एक भन्नाट ऑफर घेऊन आली आहे. तुम्ही बजेट ट्रिपचा आनंद घ्यायला विसरु नका.

IRCTC ने तुमच्यासाठी गोव्याला जाण्याचा सर्वात स्वस्त आणि उत्तम पर्याय आणला आहे.  IRCTC चे गोवा पॅकेज 5 दिवस आणि 4 रात्रींसाठी आहे. या पॅकेजचा लाभ तुम्ही मार्च महिन्यापर्यंत घेउ शकता. तुम्ही IRCTC वेबसाइटवर जाऊन बुकींग करू शकता. तुम्हाला या IRCTC पॅकेजचा लाभ घ्यायचा असेल, तर एका व्यक्तीला 51,000 रुपये खर्च करावे लागतील. दुसरीकडे, दोन व्यक्तींनी बुक केल्यास प्रत्येकी 40,500 रुपये भरावे लागतील. तसेच तीन व्यक्तींच्या बुकिंगसाठी 38,150 रुपये खर्च करावे लागतील.

IRCTC वेबसाइटनुसार जर कोणाला गोव्याला जायचे असेल तर ते तीन टूर पॅकेज अंतर्गत गोव्यासाठी (Goa) तिकीट बुक करू शकतात. 11 फेब्रुवारीपासून गोवा टूर सुरू होत असून ते 7 मार्चपर्यंत चालणार आहे. गोव्यात तुम्ही सी फूडचा आस्वाद घेऊ शकता. तसेच रेस्टॉरंटमध्ये तुम्ही गोवन फुड (Goan Food) आणि संगीताचाही आनंद घेऊ शकता.

• कोणत्या सुविधा मिळतील

या पॅकेजमध्ये तुम्हाला नॉर्थ आणि साउथ गोव्याचे सौंदर्य पाहायला मिळणार आहे. भुवनेश्वर, चंदीगड, इंदूर आणि पाटणा यांसारख्या ठिकाणांहून लोकांना विमानाने गोव्यात प्रवास करता येणार आहे. यामध्ये 5 नाश्ता आणि 5 रात्रीचे जेवण दिले जाईल.

• LTC चा लाभ घेऊ शकतो

ज्या कर्मचाऱ्यांनी अद्याप एलटीसीचा लाभ घेतला नाही त्यांना याचा लाभ घेता येईल. यावर सरकारी कर्मचारी एलटीसी तिकीट टूर पॅकेज घेऊ शकतात. तुम्हाला सर्व माहिती IRCTC च्या अधिकृत वेबसाइटवर मिळेल.

• गोव्यात या ठिकाणांना द्या भेट

तुम्ही साउथ गोव्यातील मिरामार बीच, मांडवी नदीवरील क्रूझ, बागा बीच, कँडोलियम बीच आणि उत्तर गोव्यातील स्नो पार्क यासारख्या ठिकाणी फिरू शकता. याशिवाय तुम्ही सीफूडसाठी रेस्टॉरंट, पब आणि वॉटर स्पोर्ट्स सारख्या ठिकाणी जाऊ शकता.