Indian Railways: वैष्णोदेवी यात्रेला जाणाऱ्यांसाठी एक आनंदाची बातमी आहे. तुम्हीही वैष्णोदेवीला जाण्याचा विचार करत असाल तर रेल्वेकडून एक खास सुविधा सुरु करण्यात आली आहे.

आता तुमच्यासाठी वैष्णोदेवीचे दर्शन घेणे आणखी सोपे झाले आहे. तुम्हीही मातेच्या दर्शनासाठी जात असाल, तर रेल्वेने एक खास सुविधा (Railways Tour Package) सुरु केले आहे, ज्यामध्ये रेल्वे तुम्हाला मातेचे दर्शन देत आहे. विशेष म्हणजे, यामध्ये तुम्हाला राहण्या-खाण्याच्या सोयीसाठी वेगळा काही खर्च करावा लागणार नाही.

पॅकेजचे नाव - हरिद्वार आणि ऋषिकेशसह माता वैष्णोदेवी (SCZBG05)

प्रवासाचा कार्यक्रम - सिकंदराबाद - आग्रा (Agra) - मथुरा - वृंदावन - कटरा - हरिद्वार - ऋषिकेश - सिकंदराबाद

प्रवासाची खास संधी

या टूर पॅकेजमध्ये तुम्हाला आग्रा, हरिद्वार, मथुरा, ऋषिकेश, वैष्णो देवी, वृंदावन येथे जाण्याची संधी मिळेल. यासोबतच हे पॅकेज 8 दिवस आणि 9 रात्रीसाठी असेल. 10 जून 2023 पासून तुम्ही या टूर पॅकेजमध्ये प्रवास (Travel) करु शकता.

डबल शेअरिंगसाठी किती खर्च येईल?

रेल्वेने या पॅकेजची 3 श्रेणींमध्ये विभागणी केली आहे. यामध्ये इकॉनॉमी क्लासमध्ये डबल शेअरिंगसाठी प्रति व्यक्ती 15435 रुपये मोजावे लागतील. स्टँडर्ड क्लासमध्ये डबल शेअरिंगसाठी प्रति व्यक्ती 24735 रुपये, कंफर्ट क्लास डबल शेअरिंगसाठी प्रति व्यक्ती 32480 रुपये.

मुलांचे भाडे किती असेल?

मुलांबद्दल बोलायचे झाल्यास, 5 ते 11 वर्षे वयोगटातील मुलांसाठी, इकॉनॉमीमध्ये प्रति मुल 14430 रुपये, स्टॅंडर्ड क्लाससाठी प्रति बालक 23555 रुपये, कंफर्ट क्लाससाठी प्रति चाइल्ड 31060 रुपये खर्च येईल.

मोफत दुपारचे जेवण

या पॅकेजमध्ये तुम्हाला सकाळचा चहा, नाश्ता, दुपारचे जेवण आणि रात्रीच्या जेवणाची सुविधा मिळेल. यासोबतच ट्रॅव्हल इन्शुरन्सची सुविधाही उपलब्ध होणार आहे.