Indian Railways Latest News: तुम्हीही ट्रेनने प्रवास करत असाल तर ही बातमी नक्की जाणून घ्या. रेल्वेने ज्येष्ठ नागरिकांच्या प्रवासाच्या नियमात बदल केले आहेत.

रेल्वेकडून ज्येष्ठ नागरिकांना एक भेट देण्यात आली आहे. ज्येष्ठ नागरिकांसाठी रेल्वेने नवे नियम केले आहेत. या अंतर्गत तुम्ही तिकीट बुक करु शकता. चला जाणून घेऊया रेल्वेच्या नव्या नियमाविषयी-

लोअर बर्थ वाटप करण्याबाबत माहिती दिली

प्रवाशांची सोय लक्षात घेऊन रेल्वे आपल्या सेवेत सुधारणा करत आहे. त्यामुळे प्रवाशांना प्रवास करणे सोपे होणार आहे. IRCTC ने ज्येष्ठ नागरिकांना लोअर बर्थ देण्याबाबत माहिती दिली आहे.

अलीकडेच एका प्रवाशाने ट्विट केले होते की, 'मी माझ्या काकांसाठी रेल्वेचे तिकीट बुक केले. यामध्ये मी लोअर बर्थला प्राधान्य दिले होते, कारण त्यांना पायाची समस्या होती. असे असतानाही रेल्वेकडून त्यांना अप्पर बर्थ देण्यात आला.'

रिझर्वेशन चॉईस बुक

प्रवाशाने (Passenger) केलेल्या ट्विटला उत्तर देताना रेल्वेने माहिती दिली की, 'जर तुम्ही सामान्य कोट्यातून तिकीट बुक केले तर उपलब्धतेच्या आधारे सीटचे वाटप केले जाते. पण जर तुम्ही रिझर्वेशन चॉईस बुक अंतर्गत बुकिंग केले तरच लोअर बर्थ अलॉट असेल तर तुम्हाला लोअर बर्थ मिळेल.'

रेल्वेने पुढे सांगितले की, सामान्य कोट्याखाली बुकिंग करणाऱ्यांना केवळ उपलब्धतेच्या आधारेच वाटप केले जाते. यामध्ये प्रथम येणाऱ्यास प्राधान्य हे धोरण काम करते.

सर्वसाधारण कोट्यात कोणत्याही प्रकारचा मानवी हस्तक्षेप नाही. अशा परिस्थितीत, तुम्ही TTE शी संपर्क साधू शकता आणि लोअर बर्थसाठी बोलू शकता.