Indian Economy Dainik Gomantakn
अर्थविश्व

Indian Economy: गूड न्यूज! तिसऱ्या तिमाहीत GDP 8.4 टक्क्यांवर; RBI ने व्यक्त केलेल्या अंदाजापेक्षा जास्त

Indian Economy: आकडेवारीनुसार, हे 2022-23 या आर्थिक वर्षातील 7 टक्क्यांच्या सुधारित आकड्यापेक्षा जास्त आहे.

Manish Jadhav

Indian Economy: देशाच्या अर्थव्यवस्थेबाबत एक आनंदाची बातमी आली आहे. चालू आर्थिक वर्षाच्या तिसऱ्या तिमाहीत (ऑक्टोबर-डिसेंबर 2023) भारताचा विकास दर म्हणजेच GDP 8.4 टक्के नोंदवला गेला आहे. विशेषतः उत्पादन, खाणकाम, उत्खनन आणि बांधकाम क्षेत्राच्या उत्कृष्ट कामगिरीमुळे हे शक्य झाले आहे. भारतीय अर्थव्यवस्थेच्या विकास दराबाबत राष्ट्रीय सांख्यिकी कार्यालयाने (NSO) गुरुवारी जाहीर केलेल्या आकडेवारीत ही बाब समोर आली आहे. रॉयटर्सच्या बातमीनुसार, 2023-24 या आर्थिक वर्षात भारतीय अर्थव्यवस्थेचा वेग 7.6 टक्के राहण्याचा अंदाज आहे. आकडेवारीनुसार, हे 2022-23 या आर्थिक वर्षातील 7 टक्क्यांच्या सुधारित आकड्यापेक्षा जास्त आहे.

सुधारित अंदाज

दरम्यान, NSO ने जानेवारी 2024 च्या आधी जाहीर केलेल्या पहिल्या अॅडव्हान्स अंदाजात चालू आर्थिक वर्षासाठी 7.3 टक्के वाढीचा अंदाज व्यक्त केला होता. NSO ने 2022-23 साठी GDP वाढीचा सुधारित अंदाज 7.2 टक्क्यांवरुन 7 टक्के केला होता. यापूर्वी, चालू आर्थिक वर्षाच्या पहिल्या तिमाहीत भारतीय अर्थव्यवस्था 7.8% आणि पुढील तिमाहीत 7.6% दराने वाढली होती. यानंतर, रिझर्व्ह बँक ऑफ इंडिया (RBI) ला पूर्ण आर्थिक वर्ष 2023-24 साठीचा GDP अंदाज 6.5 टक्क्यांवरुन 7 टक्क्यांपर्यंत सुधारावा लागला.

दुसरीकडे, आंतरराष्ट्रीय नाणेनिधी (IMF) ने आर्थिक वर्ष 2024 मध्ये भारतासाठी 6.7 टक्के जीडीपी वाढीचा अंदाज व्यक्त केला आहे. गेल्या तिमाहीत मंद गतीने वाढ होऊनही, भारत जगातील सर्वात वेगाने वाढणारी अर्थव्यवस्था म्हणून आपले स्थान कायम ठेवण्याची शक्यता आहे. IMF च्या अंदाजानुसार, भारतीय अर्थव्यवस्था चीन (4.6%), अमेरिका (2.1%), जपान (0.9%), फ्रान्स (1%), UK (0.6%) आणि जर्मनी (-0.5%) यांसारख्या प्रमुख अर्थव्यवस्थांना मागे टाकेल. सध्या भारत जगातील पाचव्या क्रमांकाची अर्थव्यवस्था आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Liquor Smuggling: गोव्यातून गुजरातला दारुतस्करी! 1.43 कोटींचा मद्यसाठा जप्त; पिसुर्लेतील डिस्टिलरी सील, 9 जण अटकेत

Mapusa: पाणीपुरवठा ऑफिसमध्ये नेल्या गढूळ पाण्याच्या बाटल्या! म्हापशातील प्रश्न ऐरणीवर; काँग्रेसचा घागर मोर्चाचा इशारा

Reis Magos: रेईश मागूशमधील प्रकल्प DLF ने गुंडाळला? ‘रेरा’कडे नोंदणी मागे घेण्यासाठी अर्ज; 80 बंगल्यांची नोंदणी होणार रद्द

Advalpal: अडवलपालमध्ये नळांद्वारे दूषित पाण्याचा पुरवठा! स्थानिकांचे आरोग्य धोक्यात; ‘फोमेंतो’मुळे समस्या उद्भवल्याचा संशय

Amthane Dam: भर पावसातही ‘आमठाणे’ कोरडे! धरणात 5 टक्केच पाणी; पर्यटनावरही परिणाम

SCROLL FOR NEXT