तुम्ही जर अद्याप इन्कम टॅक्स रिटर्न (ITR) भरला नसेल, तर लवकर भरावा. अन्यथा तुम्हाला 31 तारखेनंतर दंड भरवा लागणार आहे. यामुळे तुमच्यासाठी अनेक समस्या निर्माण होऊ शकतात. सरकारकडून 2021-22 च्या मूल्यांकन वर्षासाठी इन्कम टॅक्स रिटर्न (ITR) भरण्याची अंतिम तारीख 31 मार्च देण्यात आली आहे. (Income Tax Return News)

संबंधित वर्षासाठी इन्कम टॅक्स रिटर्न (Income Tax Return) भरण्याची अंतिम तारीख 31 डिसेंबर होती पण ती तारीख सरकारने तीन महिन्यांनी वाढवली होती. नागरिकांची सोय लक्षात घेऊन सरकारने हा निर्णय घेतला होता. आयकर तज्ज्ञांचे म्हणणे आहे की आयटीआर न भरल्यास, आयकर मूल्यांकन अधिकारी तुम्हाला नोटीस पाठवू शकतात आणि उत्तर मागू शकतात. तसेच, उत्तराने समाधान झाले नाही, तर तुम्हाला दंडही भरावा लागू शकतो.

कर तज्ज्ञांचे असे म्हणणे आहे की इन्कम टॅक्स रिटर्न न भरल्यास परतावा मिळत नाही. कर सल्लागार म्हणतात की शक्यतोवर आयटीआर वेळेवर भरावा. कोणत्याही वैयक्तिक समस्येमुळे, आपण हे करू शकलो नाही आणि आपल्याला नोटीस मिळाल्यास चिंता करू नये. नोटीसला उत्तर देण्यासाठी कर तज्ज्ञाची मदत घेत येते. आता नोटीस आणि त्याच्याशी संबंधित सर्व काही ऑनलाइन आहे. कर मूल्यांकन अधिकारी तुमच्या उत्तराने समाधानी असल्यास, तो तुम्हाला ITR फाइल करण्याची परवानगी देण्यासोबतच तुमचा दंड देखील माफ करू शकतो.