तुम्हाला एलआयसीचा आयपीओ घ्यायचा असेल तर गोष्टी माहिती असणे आवश्यक आहे. हा आयपीओ होळीच्या आधी किंवा नंतर येवू शकतो. यामध्ये 10 टक्के हिस्सा विमाधारकांसाठी राखीव ठेवण्यात आला आहे, परंतु शेअर्स स्वस्तात मिळण्यासाठी विमाधारकाला काही अटी पूर्ण कराव्या लागतील. अशा परिस्थितीत जर तुम्हालाही LIC चा IPO घ्यायचा असेल, तर तुम्हाला या 10 गोष्टी माहिती असणे आवश्यक आहे. (LIC IPO Latest Updates)

* हा जगातील विमा कंपनीचा तिसरा सर्वात मोठा IPO आहे. एसबीआय कॅपिटल, सिटी ग्रुप, नोमुरा, जेपी माॅर्गन आणि Goldanman Sachs यासह इतर पाच देशांतर्गत आणि जागतिक गुंतवणूक बँका IPO साठी बूक रनिंग लीड मॅनेजर आहेत.

* LIC चा IPO च्या पाच टक्के कर्मचाऱ्यांसाठी आणि 10 टक्के विमाधारकांसाठी राखीव ठेवण्यात आले आहेत.

* दोन्ही अर्ज एकाच डीमॅट खात्यातून केले असले तरीही ते वैध मानले जातील. विमाधारकांसाठी कोणताही लॉक-इन कालावधी नसेल आणि ते सूचीच्या दिवशी शेअर्स विकू शकतात.

* LIC च्या 26 कोटी विमाधारकांसाठी 3.16 कोटी शेअर्स राखीव ठेवण्यात आले आहेत, परंतु केवळ विमाधारकच यासाठी अर्ज करू शकतात, ज्यांच्याकडे पॅन पॉलिसी लिंक्ड आणि डीमॅट खाते असेल.

* विमाधारकांचे स्वत:च्या नावावर डीमॅट खाते असावे. तसेच त्याने 28 फेब्रुवारीपर्यंत त्याच्या पॉलिसी रेकॉर्डमध्ये पॅन अपडेट करणे आवश्यक आहे. पॉलिसी 13 फेब्रुवारी 2022 रोजी किंवा त्यापूर्वी जारी केलेली असावी.

* यासाठी गट विमा व्हॅलिड नाही. नॉमिनी आणि मृत पॉलिसीधारकांची वार्षिकी प्राप्त करणारा जोडीदार यासाठी अर्ज करू शकत नाही.

* PAN-LIC चे स्टेटस जाणून घेण्यासाठी

https://linkpan.licindia.in/UIDSeedingWebApp/getPolicyPANStatus ला भेट द्या. तुमचा पॉलिसी क्रमांक, जन्मतारीख आणि पॅन टाका. त्यानंतर कॅप्चा टाका आणि सबमिट करा.

* https://linkpan.licindia.in/UIDSeedingWebApp/ यावर पॅन अपडेट करता येईल.