Gujarat: गुजरातमधील एका बँकेतून धक्कादायक घटना समोर आली आहे. वास्तविक, इथे एका व्यक्तीच्या डिमॅट खात्यात अचानक 11,677 कोटी रुपये आले. त्या व्यक्तीसाठी ते लॉटरीपेक्षा कमी नव्हते. त्यानंतर या व्यक्तीने या रकमेपैकी 2 कोटी रुपये शेअर बाजारात गुंतवले आणि लाखो रुपये कमावले.

दरम्यान, अहमदाबादचे (Ahmedabad) रहिवासी असलेले रमेश सागर (Ramesh Sagar) हे गेल्या अनेक वर्षांपासून शेअर बाजारात गुंतवणूक (Investment) करत आहेत. एक वर्षापूर्वी त्यांनी कोटक सिक्युरिटीजमध्ये डिमॅट खाते उघडले होते. रमेश यांनी सांगितले की, 'यावर्षी 27 जुलै रोजी अचानक माझ्या खात्यात 116,77,24,43,277 रुपये आले.'

रमेश पुढे म्हणाले की, 'यानंतर मी लगेचच दोन कोटी रुपये शेअर बाजारात गुंतवले. त्यावर मला 5 लाखांचा नफाही झाला. त्यानंतर त्याच रात्री मी बँकेत (Bank) रक्कम परत केली. खात्यात जमा केलेल्या पैशातून मी बँक निफ्टी कॉल-पुटमध्ये सुमारे 2 कोटी रुपयांचा व्यवहार केला. त्याचवेळी शेअर मार्केटमध्ये पैसे गुंतवताना मला एकदा तोट्याचा विचार आला. पण मला शेअर बाजाराची माहिती होती. त्यामुळे मला फारशी भीती वाटली नाही.'

दुसरीकडे, अहवालांवर विश्वास ठेवला तर, कोटक सिक्युरिटीजने या मुद्द्यावर भाष्य करण्यास नकार दिला आहे. असे सांगितले जात आहे की, 'गुंतवणूकदारांचे पॅन कार्ड किंवा त्यांच्या डीमॅट खाते क्रमांकाची पडताळणी होऊ शकत नाही. त्यामुळे बँक या विषयावर भाष्य करु शकत नाही.'