Government Scheme For Students : विद्यार्थ्यांना त्यांचा अभ्यास व्यवस्थित करता यावा यासाठी केंद्र सरकार आणि राज्य सरकारतर्फे अनेक विशेष योजना राबवल्या जात आहेत. केंद्र सरकारकडून अकरावी ते पदवीपर्यंतच्या विद्यार्थ्यांना मोफत लॅपटॉप दिले जात असल्याचे अलीकडेच एका पोस्टमध्ये दिसून आले आहे.

(Government Scheme For Students)

पीआयबीने केले ट्विट

पीआयबीने आपल्या अधिकृत ट्विटमध्ये लिहिले आहे की, 'http://pmssgovt.online' या वेबसाइटवर दावा केला जात आहे की, 'प्रधानमंत्री राष्ट्रीय लॅपटॉप योजना 2022' योजनेअंतर्गत सरकार अकरावीच्या विद्यार्थ्यांना मोफत लॅपटॉप देण्याची योजना आखत आहे.

>> फॅक्ट चेकिंगनंतर पीआयबीने ही वेबसाइट पूर्णपणे बनावट असल्याचे सांगितले आहे.

>> केंद्र सरकारकडून अशी कोणतीही योजना चालवली जात नाही.

अधिकृत वेबसाइटवर संपर्क साधा

पीआयबीने पुढे म्हटले आहे की जर तुम्हाला केंद्र सरकारच्या कोणत्याही योजनेची माहिती मिळवायची असेल तर तुम्ही अधिकृत वेबसाइटला भेट द्यावी. याशिवाय इतर कोणत्याही प्लॅटफॉर्मवरून मिळालेल्या माहितीवर विश्वास ठेवू नका.

तुम्ही व्हायरल मेसेज देखील तपासू शकता

सोशल मीडियाच्या जमान्यात अनेकदा चुकीच्या बातम्या व्हायरल होऊ लागतात. तुम्हाला तुमच्या सोशल मीडिया अकाऊंट किंवा व्हॉट्सअॅपवरील कोणत्याही बातम्यांबाबत संशय असल्यास, तुम्ही PIB द्वारे तथ्य तपासणी करून घेऊ शकता. यासाठी तुम्हाला https://factcheck.pib.gov.in/ या अधिकृत लिंकला भेट द्यावी लागेल. याशिवाय, तुम्ही WhatsApp क्रमांक 8799711259 किंवा ईमेल: pibfactcheck@gmail.com वर माहिती पाठवू शकता.