Gold Price Today, 21 March 2023: सोने खरेदी करणाऱ्यांसाठी एक आनंदाची बातमी आहे. तुम्हीही सोने खरेदी करण्याचा विचार करत असाल तर आज तुम्हाला स्वस्तात सोने खरेदी करण्याची संधी आहे.
विक्रमी उच्चांक गाठल्यानंतर सोन्याच्या दरात घसरण पाहायला मिळत आहे. काल सोन्याने बाजारात सार्वकालिक उच्चांक नोंदवला होता, त्यानंतर सोन्याच्या दराने 60,000 रुपये प्रति 10 ग्रॅमची पातळी ओलांडली होती, मात्र आज सततच्या वाढीनंतर सोने स्वस्त झाले आहे. दिल्ली सराफा बाजारात 10 ग्रॅम सोन्याचा भाव काय आहे ते पाहूया-
मंगळवारी राष्ट्रीय राजधानीच्या सराफा बाजारात सोन्याचा (Gold) भाव 470 रुपयांनी घसरुन 59,480 रुपये प्रति 10 ग्रॅम झाला. एचडीएफसी सिक्युरिटीजने ही माहिती दिली. त्याचवेळी, गेल्या व्यापार सत्रात सोने 59,950 रुपये प्रति 10 ग्रॅमवर बंद झाले होते.
याशिवाय, चांदीचा (Silver) भावही 420 रुपयांनी घसरुन 68,550 रुपये प्रति किलोवर बंद झाला.
आंतरराष्ट्रीय बाजारात सोन्याचा भाव 1,967 डॉलर प्रति औंसवर घसरला, तर चांदी 22.39 डॉलर प्रति औंसवर घसरली. गांधी म्हणाले की, आता गुंतवणूकदारांच्या नजरा अमेरिकी फेडरल रिझर्व्हच्या धोरणात्मक व्याजदराच्या निर्णयाकडे लागल्या आहेत. बुधवारी फेडरल रिझर्व्हच्या बैठकीचा निकाल लागणार आहे.
तुम्हीही बाजारात सोने खरेदी करणार असाल तर हॉलमार्क पाहूनच सोने खरेदी करा. सोन्याची शुद्धता तपासण्यासाठी तुम्ही सरकारी अॅप देखील वापरु शकता. 'बीआयएस केअर अॅप'द्वारे तुम्ही सोन्याची शुद्धता खरी आहे की, नकली हे तपासू शकता. याशिवाय तुम्ही या अॅपद्वारे तक्रारही करु शकता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.