Adani Share: गेल्या 10 दिवसांपासून अदानी समूहाच्या शेअर्समध्ये कमालीची घसरण झाली, त्यामुळे कंपनीचे मोठे नुकसान झाले होते. हिंडेनबर्गच्या अहवालामुळे शेअर्समध्ये ही घसरण झाली. कंपनीचे मार्केट कॅप $100 बिलियनवर घसरले होते.
विशेष म्हणजे, गौतम अदानी यांची स्वतःची संपत्ती निम्म्यावर आली. परंतु मंगळवार त्यांच्यासाठी खूप खास होता. नेटवर्थ इतक्या वेगाने वाढली की, त्यांनी एका फटक्यात सर्वकाही ठीक केले.
दरम्यान, मंगळवारी अदानींच्या बहुतांश शेअर्समध्ये जबरदस्त उसळी पाहायला मिळाली. अदानी एंटरप्रायझेसचे शेअर 14.94% वाढून 1807.25 रुपयांवर पोहोचले. आज अदानी एंटरप्रायझेसचे शेअर 1887.20 रुपयांवर पोहोचले होते.
जेव्हा कंपनीच्या शेअरमध्ये वाढ दिसली तेव्हा गौतम अदानी यांची नेट वर्थही झपाट्याने वाढली. गौतम अदानी (Gautam Adani) यांनी फोर्ब्सच्या रिअल टाइम अब्जाधीशांच्या क्रमवारीत मोठी झेप घेतली आहे. या यादीत ते 17 व्या क्रमांकावर पोहोचले आहेत, तर आतापर्यंत तो 22 व्या क्रमांकावर होते.
अदानींची एकूण संपत्ती $1.1 बिलियनने वाढली. त्यांची नेटवर्थ $62.2 बिलियनवर पोहोचली. 14 जानेवारीला हिंडेनबर्गच्या अहवालामुळे त्यांना मोठा धक्का बसला. 127 अब्ज डॉलर्सच्या मालमत्तेसह, जगातील तिसरे सर्वात श्रीमंत अदानी थेट 22 व्या क्रमांकावर पोहोचले, परंतु आता हळूहळू त्यांची स्थिती सुधारत आहे.
दुसरीकडे, हिंडेनबर्ग अहवालामुळे कंपनीचे मार्केट कॅप 50 टक्क्यांहून अधिक घसरले. रोजच्या घसरणीमुळे परिस्थिती बिकट होत चालली होती. सोमवारी थोडीशी वाढ झाली असली तरी मंगळवारी वाढ झपाट्याने झाल्याने अदानींच्या संपत्तीत 1.8 अब्ज डॉलरची वाढ झाली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.