1 मार्च 2022: आज महा शिवरात्री आहे मार्च महिन्याच्या पहिल्या दिवसापासून म्हणजेच 1 मार्च 2022 पासून अनेक नियम बदलणार आहेत. आणि याचा थेट परिणाम तुमच्या खिशावर होणार आहे. बँक आणि एलपीजी सिलिंडरशी संबंधित नियमांव्यतिरिक्त जीवन प्रमाणपत्र सादर करण्याची ही एक महत्त्वाची तारीख आहे. जाणुन घ्या की कोणते बदल होणार आहेत, ज्यामुळे तुम्हाला आर्थिक समस्यांना सामोरे जावे लागु शकते. (From today many of the rules in financial transactions will change)

जीवन प्रमाणपत्र सादर करण्याची शेवटची तारीख

28 फेब्रुवारी ही पेन्शनधारकांसाठी जीवन प्रमाणपत्र सादर करण्याची शेवटची तारीख आहे. म्हणजेच, जर जीवन प्रमाणपत्र सादर केले नाही, तर तुमचे पेन्शन थांबेल. सर्व पेन्शनधारकांना निवृत्ती वेतन (Pension) मिळणे सुरू ठेवण्यासाठी त्यांचे जीवन प्रमाणपत्र सादर करावे लागेल. जीवन प्रमाणपत्र सादर करण्याची अंतिम तारीख दरवर्षी ३० नोव्हेंबर असते, परंतु सरकारी निवृत्तीवेतनधारकांना मोठा दिलासा देत, या वर्षी ही तारीख दोनदा वाढवण्यात आली.

IPPB शुल्क वाढेल

1 मार्च 2022 पासून बँकेतून (Bank) पैसे जमा आणि काढण्यावरील शुल्काशी संबंधित नियमही बदलत आहेत. इंडिया पोस्ट पेमेंट बँक म्हणजेच IPPB ने शुल्क घेणे सुरू केले आहे. जर तुम्ही IPPB चे डिजिटल बचत खाते बंद करणार असाल तर तुम्हाला त्यासाठी पैसे द्यावे लागतील. डिजिटल बचत खाते बंद करण्यासाठी IPPB तुमच्याकडून 150 रुपये आकारेल. यासोबतच तुम्हाला या 150 रुपयांवर जीएसटी भरावा लागेल. तथापि, हा नियम 1 मार्चपासून नाही तर 5 मार्च 2022 पासून लागू होईल.

एलपीजी सिलिंडरची किंमत निश्चित केली जाईल

एलपीजी सिलिंडरची (LPG Cylender) किंमत प्रत्येक महिन्याच्या पहिल्या दिवशी निश्चित केली जाते. त्यामुळेच सर्वांच्या नजरा 1 मार्चकडे लागल्या आहेत, कारण तेल कंपन्यांनी एलपीजीच्या किमती वाढवल्या तर त्याचा थेट परिणाम जनतेच्या खिशावर होणार आहे. त्यांचे बजेट गडबड होऊ शकते. मात्र, पाच राज्यांच्या विधानसभा निवडणुकांमुळे गेल्या काही महिन्यांपासून एलपीजी सिलिंडरच्या किमतीत वाढ झालेली नाही.