आर्थिक संकटाच्या पार्श्वभूमीवर पाकिस्तान सरकारने बुधवारी अनावश्यक आणि महागड्या वस्तूंच्या आयातीवर बंदी घालण्याचा निर्णय घेतला आहे. एका मीडिया रिपोर्टमधून मिळालेल्या माहितीनुसार, रोखीच्या तुटवड्याचा सामना करत असलेल्या पाकिस्तानने विदेशी भंडार कमी होत असताना हे पाऊल उचलले आहे. (Pakistan Economic Crisis)

'जियो न्यूज'च्या हवाल्याने म्हटले आहे की, पाकिस्तानचे पंतप्रधान शाहबाज शरीफ यांनी अनावश्यक वस्तूंच्या आयातीवर बंदी घातली आहे, ज्यांचा वापर सामान्य माणूस करत नाही. त्यासाठी सूचनाही जारी करण्यात आल्या आहेत. डॉलरच्या वाढत्या किंमतीवर नियंत्रण ठेवण्यासाठी हा निर्णय महत्त्वाचा असल्याचे बोलले जात आहे.

अहवालात म्हटले आहे की, गेल्या काही आठवड्यांमध्ये अमेरिकन डॉलरची विक्रमी वाढ झाली आहे आणि आज खुल्या बाजारात त्याची किंमत 200 रुपयांच्या वर पोहोचली आहे, जे वित्तीय बाजारातील व्यापार्‍यांमध्ये आत्मविश्वासाची कमतरता दर्शवते.

पाकिस्तान बिझनेस कौन्सिलचे (PBC) मुख्य कार्यकारी अधिकारी एहसान मलिक म्हणाले की," इंधन, अन्न, यंत्रसामग्री, रसायने, औषधे यासाठी आयात आवश्यक आहे. कापूस आणि मानवनिर्मित तंतू हे इतर देशांतर्गत उत्पादन आणि निर्यातीसाठी आवश्यक असलेली सामग्री आहे. सुमारे 5 टक्क्यांचा एक छोटासा भाग वगळता, आयात निर्बंध अर्थव्यवस्थेला हानी न पोहोचवता कार्य करू शकतात."

"या भागामध्ये मोबाइल फोन आणि पूर्णपणे उत्पादित स्वरूपात वाहने आहेत, ज्यामध्ये सुका मेवा, पशुखाद्य इत्यादींचाही समावेश आहे. वाढत्या किमतींचा मर्यादित परिणाम होईल, कारण या वस्तूंची मागणी लवचिक नाही आणि वाढत्या किमतीच्या दराने ती कमी होणार नाही," असेही मलिक यांनी स्पष्ट केले.