बीएसएनएलने एक नवीन प्लान आणला आहे. या प्लॅनमध्ये 100 दिवसांच्या वैधतेसह, दररोज 2GB डेटा उपलब्ध आहे. हा प्लॅन फक्त 197 रुपयांमध्ये उपलब्ध आहे. सरकारी टेलिकॉम कंपनी बीएसएनएलने (BSNL) एअरटेल आणि व्ही सारख्या खाजगी कंपन्यांशी स्पर्धा करण्यासाठी हा प्लॅन आणल्याचे मानले जात आहे.

या प्लान अंतर्गत यूजर्सना अनलिमिटेड कॉलिंग, 2GB डेली डेटा आणि फ्री SMS दिले जात आहेत. 197 रुपयांच्या प्लॅनमध्ये ग्राहकांना 100 दिवसांची वैधता मिळत आहे.

वैधता व्यतिरिक्त, उर्वरित सेवा फक्त 18 दिवसांसाठी आहेत. म्हणजे 2GB डेटा 18 दिवसांसाठी उपलब्ध असेल. यानंतर यूजर्सना 40KBPS च्या स्पीडने डेटा मिळेल. अनलिमिटेड फ्री कॉलिंगची सुविधा देखील संपणार आहे, पण इनकमिंग कॉल येत राहतील.

मोफत झिंग अॅप सबस्क्रिप्शन

या प्लॅनमध्ये तुम्हाला Zing अॅपचे मोफत सबस्क्रिप्शनही मिळेल. एकदा हे फायदे संपले की, तुम्हाला सर्व फायद्यांसाठी पुन्हा रिचार्ज करावे लागेल. तुम्ही टॉप-अप देखील करू शकता. जे जास्त डेटा आणि कॉलिंगचा वापर करत नाहीत अशा लोकांसाठी हा एक परिपूर्ण प्लॅन आहे असे म्हणणे चुकीचे ठरणार नाही.