Union Finance Minister Nirmala Sitharaman: केंद्रीय अर्थमंत्री निर्मला सीतारामन यांनी मोदी सरकारचा 2023 चा अर्थसंकल्प मांडला आहे. यामध्ये देशभरातील करदात्यांसाठी अर्थमंत्र्यांनी एक मोठी घोषणा केली आहे. अर्थसंकल्पात नव्या कर योजनेंतर्गत 5 लाखांऐवजी 7 लाखांपर्यंतचे उत्पन्न करमुक्त करण्यात आले आहे.

दरम्यान, अर्थमंत्री निर्मला सीतारामन (Nirmala Sitharaman) यांनी करदात्यांच्या फायद्यासाठी अनेक घोषणा केल्या आहेत. यामध्ये, प्राप्तिकराच्या संदर्भात, अर्थमंत्र्यांनी जाहीर केले की, नवीन कर प्रणाली अंतर्गत, 7 लाख रुपयांपर्यंतच्या उत्पन्नावर सवलत वाढवण्यात आली आहे. यापूर्वी ही सूट 5 लाख रुपयांपर्यंत उपलब्ध होती.

यासोबतच, इन्कम टॅक्स (Income Tax) स्लॅबमध्येही वाढ करण्यात आली आहे. आता 7 लाख रुपयांपर्यंत कोणताही कर आकारला जाणार नाही. पगारदारांना याचा फायदा होणार आहे. या अर्थसंकल्पात अर्थमंत्री निर्मला सीतारामन यांनी अनेक घोषणा केल्या.

जुन्या कर योजनेत 3 ते 6 लाखांवर आता 5 टक्के दराने व्याज द्यावे लागणार आहे.

6 ते 9 लाख रुपयांवर 10 टक्के दराने कर भरावा लागेल.

9 ते 12 लाख रुपयांवर आता 15 टक्के दराने कर भरावा लागणार आहे.

15 लाखांपेक्षा जास्त उत्पन्नावर 20 टक्के दराने कर भरावा लागेल.