Reliance Capital Auction: उद्योगपती अनिल अंबानी यांची कर्जबाजारी झालेली कंपनी रिलायन्स कॅपिटलच्या लिलावाच्या दुसऱ्या फेरीला मंजुरी देण्यात आली आहे. लिलावाची दुसरी फेरी 11 एप्रिल रोजी होणार आहे. रिलायन्स कॅपिटलच्या बोलीमध्ये टोरेंट इन्व्हेस्टमेंट्स आणि हिंदुजा ग्रुप आधीच सामील होते, आता या यादीत आणखी एका कंपनीचा समावेश झाला आहे.

Torrent Investments आणि Hinduja व्यतिरिक्त IndusInd International Holdings, Oaktree Capital ने लिलावाच्या दुसऱ्या फेरीसाठी स्वारस्य दाखवले आहे.

रिलायन्स कॅपिटलचा लिलाव 4 एप्रिल रोजी होणार होता, परंतु तो 11 एप्रिलपर्यंत पुढे ढकलण्यात आला आहे. कंपनीला रिलायन्स कॅपिटलसाठी चांगली ऑफर येईल, असा विश्वास आहे. अलीकडेच टोरेंट आणि ऑक्ट्री कॅपिटल मॅनेजमेंटने अनिल अंबानींच्या कंपनीच्या लिलावात सहभागी होण्यास नकार दिला होता, मात्र गेल्या आठवडाभरात व्यवस्थापनाने या कंपन्या लिलावात सहभागी होणार असल्याचे सांगितले आहे.

दुसऱ्या लिलावासाठी प्रस्तावित बोली 9,500 कोटी रुपये आहे, ज्यामध्ये 8,000 कोटी रुपयांची आगाऊ रोख रक्कम समाविष्ट आहे. मागील फेरीदरम्यान, टोरेंट इन्व्हेस्टमेंट्सने सर्वाधिक 8640 कोटी रुपयांची बोली लावली होती, तर हिंदुजा समूहाने 8110 कोटी रुपयांची बोली सादर केली होती.

मात्र, 24 तासांनंतर हिंदुजाने बोली सुधारून 9 हजार कोटी रुपये सादर केले, ज्यावर टोरेंटने आक्षेप घेतला होता. त्याचवेळी, नंतर हे प्रकरण न्यायालयात गेले असून, त्यात दुसऱ्या फेरीसाठी बोली लावण्याची मागणी करण्यात आली होती. लिलावाच्या दुसऱ्या फेरीला सर्वोच्च न्यायालयाने मान्यता दिली आहे.