स्मॉलकॅप स्टॉक्समधील वाढता प्रवाह पाहता, कोटक महिंद्रा म्युच्युअल फंडाने त्यात एकरकमी गुंतवणुकीबाबत मोठा निर्णय घेतला आहे.
ॲसेट मॅनेजमेंट कंपनी (AMC) ने आता स्मॉलकॅप फंडातील एकरकमी गुंतवणुकीवर बंदी घातली आहे. 26 फेब्रुवारी रोजी कंपनीने जारी केलेल्या अधिसूचनेत, असे म्हटले होते की कोटक स्मॉल कॅप फंडमध्ये स्विच इनसह इतर माध्यमांद्वारे एकरकमी गुंतवणुकीवर 4 मार्च 2024 पासून बंदी घालण्यात येत आहे.
गुंतवणूकदारांचे हित लक्षात घेऊन हा निर्णय घेण्यात आल्याचे फंड हाऊसचे म्हणणे आहे. अलीकडच्या काही महिन्यांत स्मॉल कॅपमध्ये वाढ झाल्यानंतर गुंतवणूकदारांनी योग्य गुंतवणूक करावी अशी कंपनीची इच्छा आहे.
कोटक महिंद्राने स्मॉल कॅप फंडांमध्ये एकरकमी गुंतवणुकीवर थेट बंदी घातली आहे. आता एका महिन्यात फक्त 2 लाख रुपयांपर्यंत प्रत्येक पॅनमध्ये गुंतवणूक करता येईल.
SIP आणि STP द्वारे नवीन गुंतवणुकीवर कोणतेही निर्बंध नसले तरी, रक्कम कोणत्याही महिन्यात प्रति पॅन रु. 25,000 पेक्षा जास्त असू शकत नाही.
गेल्या काही काळापासून स्मॉल कॅप फंडांमध्ये प्रचंड वाढ होत आहे. गेल्या एका वर्षात (21 फेब्रुवारीपर्यंत), निफ्टी स्मॉल कॅप 250 निर्देशांकाने आपल्या गुंतवणूकदारांना 65.8 टक्के परतावा दिला आहे.
फंड हाऊसचे म्हणणे आहे की, काही स्मॉल कॅप आणि मिडकॅप स्टॉक्स अनेक पटींनी वाढले आहेत आणि तेजीच्या ट्रेंडमुळे त्यांच्या किमती वाजवी मूल्यापेक्षा जास्त झाल्या आहेत.
2023 च्या कॅलेंडर वर्षात स्मॉल कॅप फंडांमध्ये सर्वाधिक 41,035 कोटी रुपयांची गुंतवणूक झाली आहे. त्याच वेळी, या कालावधीत मिडकॅप फंडांमध्ये 22,913 कोटी रुपयांची गुंतवणूक दिसून आली आणि लार्ज कॅप फंडांमध्ये 2,968 कोटी रुपये काढले गेले.
कोटक महिंद्रा म्युच्युअल फंडपूर्वी, SBI म्युच्युअल फंडने सप्टेंबर 2020 मध्ये, निप्पॉन इंडिया लाइफ ॲसेट मॅनेजमेंट आणि टाटा म्युच्युअल फंडने जुलै 2023 मध्ये स्मॉल कॅप फंडांमध्ये एकरकमी गुंतवणुकीवर बंदी घातली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.