PM Kisan Samman Nidhi Yojana Update: पीएम किसान सन्मान निधी योजनेचा 13 वा हप्ता लवकरच शेतकऱ्यांच्या खात्यात जमा होणार आहे. सप्टेंबरमध्ये देशातील सुमारे 8.5 कोटी शेतकऱ्यांना 12 व्या हप्त्याचे पैसे मिळाले आहेत. शेतकऱ्यांना आर्थिक मदत देण्यासाठी केंद्र सरकारने 2019 मध्ये ही योजना सुरु केली होती. योजनेंतर्गत लाभार्थ्यांना वार्षिक 6000 रुपये दिले जातात. देशभरातील सुमारे 10 कोटी शेतकरी या योजनेचा लाभ घेत आहेत.
नुकतेच केंद्रीय कृषिमंत्री नरेंद्र सिंह तोमर (Narendra Singh Tomar) यांनी या योजनेशी संबंधित एक मोठी अपडेट दिली आहे. छत्तीसगडमधील बहुतांश शेतकऱ्यांनी अद्याप भुलेख पडताळणी आणि ई-केवायसी केलेले नाही. पीएम किसानमध्ये होणारा गोंधळ थांबवण्यासाठी केंद्राकडून कठोर पावले उचलली जात आहेत. पुढील हप्ता मिळविण्यासाठी भुलेख पडताळणी आणि ई-केवायसी आवश्यक आहे. संसदेच्या हिवाळी अधिवेशनादरम्यान, कृषिमंत्री नरेंद्र सिंह तोमर यांनी सांगितले होते की, छत्तीसगडमधील (Chhattisgarh) 27,43,708 शेतकरी पीएम किसान योजनेच्या लाभार्थी यादीत सक्रिय आहेत.
ते पुढे म्हणाले होते की, केवळ 19,75,340 शेतकऱ्यांनाच पीएम किसान योजनेचा आगामी हप्ता मिळू शकेल. उर्वरित शेतकऱ्यांनी अद्याप भुलेख पडताळणी आणि केवायसीची प्रक्रिया पूर्ण केलेली नाही. जर एखाद्या शेतकऱ्याने भुलेख पडताळणी आणि ई-केवायसी केले नसेल तर त्याला 13 व्या हप्त्याचा लाभ मिळणार नाही. पीएम किसानशी संबंधित कोणत्याही प्रकारची मदत किंवा माहितीसाठी तुम्ही टोल फ्री क्रमांक 155261 वर कॉल करु शकता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.