7th Pay Commission: केंद्रीय कर्मचाऱ्यांना पुन्हा एकदा आनंदाची बातमी मिळणार आहे. सरकारने डीएमध्ये वाढ केली असून, यासोबतच आता आणखी भत्ता वाढविण्याचा विचार केला जात आहे. तसे झाल्यास कर्मचाऱ्यांच्या पगारात मोठी वाढ होणार आहे. मिळालेल्या माहितीनुसार, डीए वाढीसोबत एचआरए वाढीचीही घोषणा केली जाऊ शकते. वास्तविक, डीए वाढीसह, एचआरएमध्ये सुधारणा देखील अपेक्षित आहे.

38% DA असू शकते

केंद्र सरकारचे (Central Government) कर्मचारी आणि पेन्शनधारकांच्या डीएमध्ये 4 टक्के वाढ करण्यात आली आहे. म्हणजेच या महिन्यापासून कर्मचाऱ्यांना वाढीव पगार मिळणार आहे. यासोबतच एचआरएमध्ये वाढ करण्याची घोषणाही लवकरच केली जाऊ शकते. यापूर्वी गेल्या वर्षी जुलैमध्ये एचआरएमध्ये वाढ करण्यात आली होती. त्यानंतर डीए (DA) देखील 28 टक्के करण्यात आला. आता डीए 38 टक्के झाला आहे, तर एचआरएमध्येही सुधारणा करता येईल.

HRA कसा निर्धारित केला जातो

आता सरकारी कर्मचाऱ्यांसाठी (Employees) HRA कसा ठरवला जातो ते पाहू. ज्या शहरांची लोकसंख्या 50 लाखांपेक्षा जास्त आहे ती 'X' श्रेणीत येतात. त्याचबरोबर ज्यांची लोकसंख्या 5 लाखांपेक्षा जास्त आहे, ते ‘Y’ श्रेणीत येतात. आणि 5 लाखांपेक्षा कमी लोकसंख्या असलेली शहरे 'Z' श्रेणीत येतात. तिन्ही श्रेणींसाठी किमान एचआरए 5400, 3600 आणि 1800 रुपये असेल.

HRA किती वाढू शकतो

त्यानुसार, कर्मचार्‍यांचा एचआरए ते काम करत असलेल्या शहराच्या श्रेणीनुसार निर्धारित केला जातो. मीडिया रिपोर्ट्सनुसार, X श्रेणीतील शहरांमध्ये राहणाऱ्या किंवा काम करणाऱ्या सरकारी कर्मचाऱ्यांचा HRA DA प्रमाणेच 4 ते 5 टक्क्यांनी वाढण्याची शक्यता आहे. सध्या या शहरांतील कर्मचाऱ्यांना मूळ वेतनाच्या 27 टक्के एचआरए मिळतो.

त्याच वेळी, Y श्रेणीतील शहरांसाठी एचआरएमध्ये 2 टक्के वाढ शक्य आहे. सध्या या कर्मचाऱ्यांना 18 ते 20 टक्के एचआरए मिळतो. त्याचवेळी Z श्रेणीतील शहरांसाठी 1 टक्के एचआरए वाढवता येऊ शकतो. त्यांना सध्या 9-10 टक्के दराने HRA दिला जातो.