7th Pay Commission DA Hike: रक्षाबंधनानंतर केंद्रातील मोदी सरकारने एलपीजी गॅस सिलिंडरवर 100 रुपयांचे अतिरिक्त अनुदान जाहीर केले आहे. 100 रुपयांचे हे अतिरिक्त अनुदान उज्ज्वला योजनेच्या लाभार्थ्यांना सरकारकडून दिले जाईल.
आता यानंतर केंद्रीय कर्मचारी आणि पेन्शनधारक डीए/डीआर वाढीच्या प्रतीक्षेत आहेत. वर्षाच्या दुसऱ्या सहामाहीत म्हणजेच 1 जुलैपासून एक कोटीहून अधिक कर्मचारी आणि पेन्शनधारकांना दिलासा मिळणार आहे.
मीडिया रिपोर्ट्सनुसार, यावेळी केंद्रीय मंत्रिमंडळ नवरात्रीदरम्यान कर्मचाऱ्यांच्या (Employees) डीए आणि डीआरबाबत घोषणा करु शकते. गेल्या काही वर्षांवर नजर टाकली तर केंद्रीय मंत्रिमंडळ नवरात्रीच्या काळात डीए आणि डीआरबाबत आनंदाची बातमी देईल.
अशा परिस्थितीत सरकार 15 ऑक्टोबरनंतर कोणत्याही दिवशी सरकारी कर्मचाऱ्यांसाठी खूशखबर देऊ शकते. दुसरीकडे, पाच राज्यांच्या विधानसभा निवडणुकांबाबत निवडणूक आयोगाकडून अधिसूचनाही जारी केली जाणार आहे.
पाच राज्यांच्या निवडणुकांशी संबंधित अधिसूचना जारी झाल्यास सरकारकडून डीए वाढवण्याची घोषणा आव्हानापेक्षा कमी नसेल. हे पाहता निवडणुकीची अधिसूचना जारी होण्यापूर्वी डीए जाहीर करण्याचा सरकारचा प्रयत्न आहे.
सरकार (Government) दरवर्षी दोनदा DA बाबत घोषणा करते. मार्चच्या आसपास पहिली घोषणा केली जाते आणि कर्मचार्यांना 1 जानेवारीपासून वेतन दिले जाते. डीएबाबतची दुसरी घोषणा ऑक्टोबर महिन्यात केली जाते, त्याचा लाभ कर्मचाऱ्यांना 1 जुलैपासून मिळतो.
सध्या केंद्रातील कर्मचारी आणि पेन्शनधारकांना 42 टक्के दराने डीए दिला जात आहे. यावेळी ते 45 टक्क्यांपर्यंत वाढण्याची शक्यता आहे. मात्र, कर्मचारी संघटना डीएमध्ये 4 टक्के वाढ करण्याची मागणी करत आहे.
डीएमध्ये तीन टक्क्यांनी वाढ झाल्यास 1 जुलैपासून केंद्राच्या 47 लाख कर्मचाऱ्यांना त्याचा लाभ मिळेल. त्याचप्रमाणे 68 लाख पेन्शनधारकांना 1 जुलैपासून वाढीव डीआर थकबाकीही दिली जाईल.
गेल्या दिवशी दिल्लीत घरगुती गॅस सिलेंडरची किंमत 1103 रुपये होती. त्यावर, उज्ज्वला योजनेच्या लाभार्थ्यांना सरकारकडून 200 रुपयांचे अनुदान जाहीर करण्यात आले. सबसिडीनंतर सिलिंडरची किंमत 903 रुपये झाली. मात्र रक्षाबंधनाच्या मुहूर्तावर सरकारने सिलिंडरच्या दरात 200 रुपयांनी कपात करण्याची घोषणा केली.
सरकारच्या या निर्णयामुळे सामान्य सिलिंडरची किंमत 903 रुपये झाली आहे. तर उज्ज्वलाच्या लाभार्थ्यांसाठी अनुदानानंतर सिलिंडरची किंमत 703 रुपये राहिली. आता आणखी 100 रुपयांची सबसिडी मिळाल्यानंतर सिलिंडरची खरी किंमत 603 रुपयांवर आली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.