7th Pay Commission DA Hike: देशभरातील केंद्रीय कर्मचाऱ्यांसाठी एक आनंदाची बातमी आहे. अखेर, आता वाढीव महागाई भत्त्याची (DA Hike) प्रतीक्षा लवकरच संपणार आहे. सरकार लवकरच हे पैसे कर्मचाऱ्यांच्या खात्यात ट्रान्सफर करणार आहे.
यावेळीही सरकार कर्मचाऱ्यांच्या महागाई भत्त्यात 4 टक्क्यांनी वाढ करणार असल्याचे एआयसीपीआयच्या आकडेवारीवरुन स्पष्ट झाले आहे.
म्हणजेच, आतापासून कर्मचाऱ्यांना 46 टक्के दराने महागाई भत्ता मिळणार आहे. आता तुम्हाला माहित आहे की, तुमचा पगार किती वाढणार आहे.
महागाई भत्त्याची गणना नेहमीच मूळ पगारावर केली जाते. जर एखाद्या कर्मचाऱ्याचा (Employees) मूळ पगार 20,000 रुपये असेल तर त्यावरच DA मोजला जाईल. जर डीएमध्ये 4% वाढ झाली तर त्याचा पगार दरमहा सुमारे 800 रुपयांनी वाढेल.
>> मूळ पगार (बेसिकपे) – रु. 31550
>> नवीन महागाई भत्ता (DA) – 46 टक्के – रुपये 14513/महिना
>> सध्याचा महागाई भत्ता (DA) – 42% – रुपये 13251/महिना
>> 4 टक्के महागाई भत्ता (डीए) वाढवल्यास - 1262 रुपये (दर महिन्याला) अधिक मिळतील
>> वार्षिक महागाई भत्ता – 15144 रुपये अधिक 4% वाढीवर उपलब्ध होतील
>> एकूण वार्षिक महागाई भत्ता – 1,74,156 रुपये (46 टक्के दराने) असेल
7 व्या वेतन मॅट्रिक्सनुसार, लहान श्रेणीतील कर्मचाऱ्यांपासून अधिकारी श्रेणीपर्यंत सर्वांच्या पगारात बंपर वाढ होणार आहे. सध्या जुलै महिन्यात वाढणाऱ्या महागाई भत्त्याचा आकडा निश्चित करण्यात आला आहे, मात्र अद्याप त्याची अधिकृत घोषणा करण्यात आलेली नाही. ऑगस्ट किंवा सप्टेंबर महिन्यात सरकारकडून (Government) याची घोषणा केली जाऊ शकते.
साधारणपणे, सप्टेंबरमध्येच मंत्रिमंडळाकडून महागाई भत्ता मंजूर केला जातो. यानंतर अर्थ मंत्रालय अधिसूचित करते आणि त्यानंतर ते केंद्रीय कर्मचाऱ्यांना दिले जाते. या वाढीव महागाई भत्त्याचा फरक, जो दोन महिने शिल्लक आहे, तो केंद्रीय कर्मचाऱ्यांना थकबाकीच्या स्वरुपात दिला जातो.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.