DA Hike Table: सरकारने 28 सप्टेंबर रोजी केंद्रीय कर्मचाऱ्यांच्या महागाई भत्त्यात वाढ करण्याची घोषणा केली. केंद्रीय कर्मचाऱ्यांचा महागाई भत्ता सहामाही आधारावर वर्षातून दोनदा वाढवला जातो. दरवर्षी तो जानेवारी आणि जुलैपासून लागू होतो. तथापि, काही कारणांमुळे, तो सहसा मार्च आणि सप्टेंबरमध्ये घोषित केला जातो. यावेळी 1 जुलै 2022 पासून नवीन महागाई भत्ता लागू करण्यात आला आहे.

कर्मचाऱ्यांना तीन महिन्यांची डीएची थकबाकी मिळाली

यावेळी महागाई (Inflation) भत्त्यात 4 टक्क्यांनी वाढ करण्यात आली आहे. त्यामुळे आता महागाई भत्ता 34 टक्क्यांवरुन 38 टक्क्यांपर्यंत वाढला आहे. कर्मचाऱ्यांना 38 टक्के दराने डीएही दिला जात आहे. सप्टेंबरमधील घोषणेमुळे लाखो कर्मचाऱ्यांना (Employees) तीन महिन्यांची डीएची (DA) थकबाकी मिळाली आहे. काही कर्मचाऱ्यांचे सप्टेंबर महिन्याचे पगार झाले आहेत. तर काहींना ऑक्टोबरच्या पगारात पैसे दिले जातील.

कोणत्या ब्रॅकेटमध्ये महागाई भत्ता किती पैशांनी वाढला?

पण महागाई भत्त्यात वाढ झाल्यामुळे कोणत्या ब्रॅकेटमध्ये किती पैसे वाढले हे तुम्हाला माहिती आहे का? तुम्हालाही याबद्दल जाणून घ्यायचे असेल, तर तुम्ही DA हाईक टेबल एकदा नक्की पाहा. लेव्हल-1 ते लेव्हल-4 पर्यंत वेगवेगळे टेबल दिले आहेत. इथे तुम्हाला 18000 ते 56900 रुपयांच्या मूळ पगाराच्या लेव्हल-1 मधील महागाई भत्त्याचा फरक दाखवण्यात आला आहे.

महागाई भत्त्यात वाढ दर्शवणारा तक्ता

लेव्हल-2 हे रु.19900 ते रु.63200 या मूळ पगाराच्या प्रमाणात महागाई भत्त्याचे पेमेंट दाखवते. लेव्हल-3 मध्ये मूळ पगार असलेल्या कर्मचाऱ्यांच्या महागाई भत्त्याचा टेबल 21700 ते 69100 रुपयांपर्यंत देण्यात आला आहे. त्याच वेळी, लेव्हल-4 मध्ये, मूळ वेतन 25500 ते 81100 रुपये असलेल्या कर्मचाऱ्यांसाठी महागाई भत्त्यात वाढ दर्शविली आहे.

तसेच, पुढील महागाई भत्ता मार्च 2023 मध्ये जाहीर केला जाईल. 1 जानेवारी 2023 पासून लागू असल्याचे मानले जाईल. या महागाई भत्त्यात 3 ते 5 टक्के वाढ अपेक्षित आहे. महागाई भत्ता किती वाढेल हे औद्योगिक महागाईच्या आकडेवारीवरुन दिसून येईल. केवळ जुलै आणि ऑगस्टचे आकडे आले आहेत. जुलैपर्यंत, AICPI निर्देशांक 130.2 वर पोहोचला आहे.