होंडा मोटरसायकल अँड स्कूटर इंडिया (HMSI) ने त्यांच्या बहुप्रतिक्षित मिडलवेट सेगमेंटमधील दोन दमदार बाईक्स 2025 Honda CB650R आणि CBR650R भारतीय बाजारात अधिकृतपणे लाँच केल्या आहेत. विशेष बाब म्हणजे या दोन्ही बाईक्स होंडाच्या ई-क्लच (E-Clutch) तंत्रज्ञानाने सुसज्ज असलेल्या देशातील पहिल्या बाईक्स ठरल्या आहेत.
या बाईक्ससाठी बुकिंग होंडाच्या बिगविंग डीलरशिप्स आणि अधिकृत ऑनलाइन प्लॅटफॉर्मवर सुरू झाले आहे. कंपनीने याबाबत माहिती देताना सांगितले की, डिलिव्हरी मे २०२५ च्या अखेरीस सुरू होणार आहे.
2025 Honda CB650R ची एक्स-शोरूम किंमत 9.60 लाख रूपये, तर CBR650R ची किंमत 10.40 लाख रूपये ठेवण्यात आली आहे. दोन्ही बाईक्समध्ये 649cc इनलाइन 4-सिलेंडर इंजिन देण्यात आले असून, ते 70bhp पॉवर आणि 63Nm टॉर्क जनरेट करते. हे इंजिन 6-स्पीड गिअरबॉक्सशी जोडलेले आहे.
होंडाचे ई-क्लच तंत्रज्ञान हे पारंपरिक क्लच लिव्हरशिवाय गिअर शिफ्टिंग करण्याची क्षमता देतं. यामुळे ट्रॅफिकमध्ये क्लच ऑपरेशनचा त्रास न घेता सहज गिअर बदलता येतात, शिवाय स्पोर्टी रायडिंग करताना अधिक नियंत्रण मिळते.
CB650R हे बाईक निओ-स्पोर्ट्स कॅफे थीमवर आधारित आहे. यात गोल एलईडी हेडलॅम्प, मस्क्युलर इंधन टाकी आणि एक्स्पोज्ड स्टील फ्रेम आहे, जी त्याला एक रेट्रो पण मॉडर्न लूक देते.
दुसरीकडे, CBR650R ला फुल-फेअर बॉडी, एरोडायनॅमिक डिझाइन आणि स्पोर्ट्स बाईकसारखा लूक देण्यात आला आहे. दोन्ही बाईक्समध्ये एकसमान 5.0-इंचाचा TFT डिस्प्ले आहे, जो Honda RoadSync स्मार्ट कनेक्टिव्हिटीसह येतो.
CB650R हे कँडी क्रोमोस्फीअर रेड आणि मॅट गनपाउडर ब्लॅक मेटॅलिक या दोन रंगांमध्ये उपलब्ध आहे, तर CBR650R चे पर्याय ग्रँड प्रिक्स रेड आणि मॅट ब्लॅक मेटॅलिक असे आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.