Digambar Kamat: "... तब तक मोती डोंगर को कोई हात नहीं लगा सकता"; दिगंबर कामत असं का म्हणाले?

मडगाव: मडगावचे आमदार आणि माजी मुख्यमंत्री दिगंबर कामत आणि इतर मान्यवरांच्या उपस्थितीत आरोग्य मंत्री विश्वजित राणे यांच्या हस्ते मंगळवारी (दि. २५) मोती डोंगर मडगाव येथे नागरी आयुष्मान आरोग्य मंदिराचे उद्घाटन करण्यात आले. यावेळी उपस्थितांशी संवाद साधनात आमदार दिगंबर कामत यांनी मोती डोंगराविषयी महत्वाचे विधान केले आहे, दिगंबर कमात यांच्या म्हणण्यानुसार, अजूनही कोणाला मोती डोंगराविषयी म्हणावी तशी माहिती नसल्याने चुकीच्या बातम्या व्हाट्सअपवर फिरवल्या जातात.

वर्ष १९८५ मध्ये गोव्याचे मुख्यमंत्री प्रतापसिंग राणे होते आणि तेव्हा आपण काउन्सिलर असल्याचं कामात म्हणालेत. यावेळी तत्कालीन मुख्यमंत्र्यांकडून झोपडपट्टी कायदा १९६०च्या अंतर्गत नोटिफिकेशन जारी करण्यात आले होते. माजी मुख्यमंत्री प्रतापसिंग राणे यांनी त्यावेळी लोकांना पुनर्वसनाचे आश्वासन देत १० वर्षात पैसे भरण्याची सूट दिली होती मात्र तेव्हा कोणीही या निर्णयात सहभागी झाले नाही आणि म्हणूनच आता मोती डोंगरावरील जनता अडकली असल्याचं विधान त्यांनी केलंय. मोती डोंगरबद्दल सध्या अनेक अफवा पसरवल्या जात आहेत आणि मी असेपर्यंत या भागाला काहीही हानी पोहोचणार नाही असं कामात म्हणाले आहेत.