Goa Cabinet Meet: मंत्र्यांना परस्पर दिल्लीवाऱ्या भोवल्या! बैठकीत काय घडले?

पक्षाला अंधारात ठेवून गुपचूप दिल्लीवारी करणाऱ्या मंत्री आमदारांना पक्षाच्या बैठकीत मुख्यमंत्री सावंत आणि प्रदेशाध्यक्ष तानावडे यांनी कनपिचक्या घेतल्या आहेत. पक्षापेक्षा कोणीही मोठा नाही, त्यामुळे न सांगता दिल्लीवारी करणाऱ्या नेत्यांनी सावध राहावे असे भाजपच्या बैठकीत ठणकावून सांगण्यात आले.

याशिवाय सरकारच्या विरोधात बोलणे टाळा. समस्या मांडा पण त्याचे भांडवल करण्यापेक्षा त्या सोडवण्यावर भर द्या असाही सल्ला या बैठकीत नेत्यांना देण्यात आला. गेल्या महिन्याभरात अनेक भाजप नेत्यांनी दिल्लीत केंद्रीय मंत्र्यांची भेट घेतली होती.