CM Pramod Sawant: आता दक्षिणेतही भाजप कार्यरत- मुख्यमंत्री

लोकसभा निवडणुकीत भाजपला राज्यातील दोन्ही जागा जिंकण्याचा मानस होता. मात्र भाजपला केवळ उत्तर गोव्याचीच जागा जिंकता आली. दक्षिण गोव्यातील जागा त्यांना गमवावी लागली. दक्षिण गोव्यात कॉंग्रसने बाजी मारली. विरियातो फर्नांडिस यांनी भाजपच्या पल्लवी धेंपे यांना जोरदार टक्कर दिली. याच पाश्वभमीवर आता 2027 मधील विधानसभा निवडणूकीची तयारी भाजपने आतापासूनच सुरु केली आहे. उत्तर गोव्या प्रमाणे दक्षिण गोव्यातही पक्षाचा विस्तार करण्याचा मानस खुद्द मुख्यमंत्री डॉ. प्रमोद सावंत यांनी बोलून दाखवला. येत्या काळात दक्षिणेतही भाजपची ताकद वाढवण्यासाठी प्रयत्न केले जातील, असे मुख्यमंत्री यावेळी म्हणाले.