काणकोण मतदारसंघातून २०२७ च्या निवडणुकीत भाजपने गोमंतक क्षत्रिय मराठा समाजाच्या उमेदवाराला उमेदवारी द्यावी अन्यथा वेगळा विचार करण्यात येईल, असा इशारा गावडोंगरीचे सरपंच धिल्लन ऊर्फ यशवंत देसाई यांनी पत्रकार परिषदेत दिला आहे. काणकोण मतदारसंघात गोमंतक क्षत्रिय मराठा समाजाची पाच ते साडेपाच हजार मते आहेत. मात्र, प्रत्येक निवडणुकीत आपल्या फायद्यासाठी राजकारण्यांनी समाजामध्ये फूट पाडून आपले झेंडे नाचविले. याची जाणीव समाज बांधवांना झाली आहे. त्यासाठी गुप्त बैठका घेऊन आगामी निवडणुकीसाठी व्यूहरचना तयार करण्यात येणार आहे.
आगामी निवडणुकीत सत्तर ते ऐंशी टक्के समाजाच्या मतदारांना एकत्र आणण्यासाठी स्वतः प्रयत्न करणार आहे. काही राजकारणी ‘पैसा फेको तमाशा देखो’ ही भाषा करीत आहेत. मात्र, समाजाचे मतदार पैशापुढे झुकणार नाहीत. समाजाचे बहुतांश नेते भाजपबरोबर आहेत. भाजपमधील नगराध्यक्ष सारा नाईक देसाई, शांभा नाईक देसाई, नगरसेवक रमाकांत नाईक गावकर, नगरसेवक धिरज नाईक गावकर हे होतकरू उमेदवार आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.