Babu Kavlekar: प्रसिद्धी मिळवण्यासाठी एल्टन भाजप सरकारच्या विरोधात बोलतात

गोवा विधानसभेचे सध्या पावसाळी अधिवेशन सुरु आहे. विरोधक सत्ताधारी पक्षाला राज्यातील अनेक मुद्यांवरुन धारेवर धरत आहेत. विरोधकांनी सत्ताधारी पक्षाची दमछाक केली आहे. याचदरम्यान, भाजप नेते बाबू कवळेकर यांनी काही लोक प्रसिद्धी मिळवण्यासाठी भाजप सरकारच्या विरोधात बोलत असल्याचे म्हणाले. कवळेकर यांनी पत्रकार परिषद घेऊन आमदार एल्टन डिकोस्ता यांच्यावर निशाणा साधला.

डिकोस्ता सातत्याने भाजप सरकारच्या विरोधात बोलतायेत. त्यांना भाजपवर टीका करुन प्रसिद्धीच्या झोतात राहायचे आहे, असे कवळेकर म्हणाले.

कवळेकर पुढे म्हणाले की, डबल इंजिनच्या सरकारने गोव्याचा खऱ्या अर्थाने विकास केला आहे. तुम्ही कॉंग्रेसप्रणित सरकार आणि भाजप्रणित सरकारच्या कामाची तुलना केली तर तुम्हाला फरक स्पष्ट जाणून येईल. मोदी सकारच्या दहा वर्षात खऱ्या अर्थाने देशासह गोव्याचा विकास झाला आहे.