Zayed Khan : शुट सुरू असताना डान्सर कोसळली, झायेद खान कट बोलला आणि फराहने त्याला चप्पल मारली...'मै हू ना'चा तो किस्सा

फराह खान दिग्दर्शित 'मै हू ना' हा चित्रपट त्या काळातला ब्लॉकबस्टर चित्रपट ठरला होता. या चित्रपटात शाहरुख खान, सुनील शेट्टी, सुश्मिता सेन, बोमन इराणी अशी तगडी स्टारकास्ट होती.

या चित्रपटात शाहरुख खानच्या भावाचं पात्र साकारलेला अभिनेता झायेद खान या चित्रपटातून पदार्पण करत होता. झायेद खानने या चित्रपटाची एक आठवण सांगितली आहे ज्यात फराह खान त्याला चप्पलने मारायला उठली होती.

झायेदने सांगितलेली ही आठवण 'चले जैसे हवायें' या गाण्याची आहे. झायेद म्हणाला "हे गाणं जमीनीपासून 400 फूट उंचावरती शुट होत होतं. हा किस्सा तेव्हाचा आहे. गाण्याचं शूटींग सुरू होतं.

अमृता रावला माझ्याकडे पळत यायचं होतं, आणि अचानक एक डान्सर कोसळली, शूट तसंच सुरू होतं पण मी अचानक कट म्हणालो आणि शुटींग थांबलं".

पुढे झायेद म्हणााला मी कट बोलताच फराह प्रचंड भडकली कारण हा माझा पहिलाच चित्रपट होता. फराह खूपच चिडली होती तिने मला शिव्या दिल्या आणि चप्पल काढुन मला फेकुन मारली. ती म्हणाली मी सेटवर असताना तू कट बोलू शकत नाहीस कट मीच बोलणार"

यावर मी तिला म्हणालो माझ्यासमोर मी मरत असताना मी नाचू शकत नाही, यावर तिथल्या सगळ्या क्रू च्या लक्षात ही गोष्ट आली आणि त्यांनी तिला उचललं त्यानंतर गाण्याचं शूटींग पूर्ण झालं.