आलिया भट्टच्या 'गंगूबाई काठियावाडी' या चित्रपटाच्या एक दिवस आधी प्रदर्शित झालेल्या साऊथ सुपरस्टार अजितचा तमिळ चित्रपट 'वलिमै'ने पहिल्याच दिवशी धुमाकूळ घातला. यासोबतच रिलीज झालेल्या अभिनेता पवन कल्याणच्या 'भीमला नायक' या चित्रपटालाही दमदार ओपनिंग मिळाली आहे. शुक्रवारी प्रदर्शित झालेला ‘गंगुबाई काठियावाडी’ हा हिंदी चित्रपट पहिल्या दिवशी बॉक्स ऑफिसवर आपली छाप सोडू शकलेला नाही. चित्रपटाने शुक्रवारी 10 कोटींच्या आसपास गल्ला जमवला आहे. दुसरीकडे वलिमै चित्रपटाने 75 कोटी कमवले आहेत.
'गंगूबाई काठियावाडी'चे OTT हक्क नेटफ्लिक्सला (Netflix) आणि सॅटेलाइट हक्क झी सिनेमाला विकून, निर्मात्यांनी चित्रपटाच्या प्रचंड खर्चाचा मोठा भाग वसूल केला असला तरी चित्रपटाच्या बॉक्स ऑफिस (Box Office) कामगिरीवर सर्वांचे लक्ष लागले आहे. हिंदी बरोबर तेलगूमध्येही हा चित्रपट प्रदर्शित झाला आहे.
दोन वर्षांपूर्वी प्रदर्शित झालेल्या धर्मा प्रॉडक्शनच्या 'कलंक' चित्रपटाने (Movie) पहिल्या दिवशी 21.60 कोटींची कामाई केली होती. 10 कोटी किंवा त्याहून अधिक कमाई करणाऱ्या आलिया भट्टच्या चित्रपटांमध्ये 'उडता पंजाब' (10.05 कोटी), 'बद्रीनाथ की दुल्हनिया' (12.25 कोटी), '2 स्टेट्स' (12.42 कोटी), 'शानदार' (13.10 कोटी), 'गली बॉय' (19.40 कोटी) आणि 'कलंक' (21.60 कोटी) यांचा समावेश आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
