Sushmita Sen : सुश्मिताला स्वत:च माहित नव्हते की तिला हार्ट अ‍टॅक आलाय सहकलाकाराने सांगितली आठवण...

गेल्या मार्चमध्ये जेव्हा सुष्मिता सेनने तिला हृदयविकाराचा झटका आल्याचा खुलासा केला तेव्हा सगळेच थक्क झाले. अभिनेत्रीच्या धमन्यांमध्ये 95% ब्लॉकेज होते, त्यानंतर तिची अँजिओप्लास्टी करण्यात आली. आता सुष्मिताचा को-स्टार विकास कुमारने याबाबत नवा खुलासा केला आहे. त्यांनी सांगितले की, सुष्मिता सेनला 'आर्य 3' वेब सीरिजच्या शूटिंगदरम्यान सेटवर हृदयविकाराचा झटका आला होता.

 'आर्य वेब सीरिज'मधील एसीपी युनूस खानच्या भूमिकेमुळे विकास चर्चेत आहे. एका मुलाखतीत विकासने सांगितले की, सेटवर जेव्हा सुष्मिता सेनची तब्येत बिघडली तेव्हा कोणालाच याबद्दल माहिती नव्हती, कारण अभिनेत्रीने याबद्दल कोणालाच सांगितले नव्हते

नुकत्याच दिलेल्या एका मुलाखतीत विकास कुमारने सांगितले की, 'वेब सीरिजच्या संपूर्ण टीमला सोशल मीडिया पोस्टनंतरच सुष्मिता सेनला हृदयविकाराच्या झटक्याची माहिती मिळाली.' सुष्मिताने 2 मार्च रोजी इन्स्टाग्रामवर पोस्ट केली होती की तिला हृदयविकाराचा झटका आला होता आणि आता ती बरी होत आहे. 

विकासने मुलाखतीत सांगितले की, 'सत्य हे आहे की सुष्मिताला स्वतःला हार्ट अटॅक आला होता हे माहित नव्हते. सेटवर त्यांची तब्येत बिघडली तेव्हा काही चाचण्या करण्यात आल्या, त्यानंतर त्यांना अॅटॅक आल्याची खात्री झाली.

विकास पुढे म्हणाला, 'आम्ही जयपूरमध्ये होतो आणि 'आर्या 3' चे काही सीन शूट करत होतो. यादरम्यान, त्यांना सेटवर हृदयविकाराचा झटका आला, ज्याबद्दल आम्हाला काहीही माहित नव्हते. 

जेव्हा सुष्मिता सेनने याबद्दल पोस्ट केली तेव्हाच आम्हाला कळले की त्या दिवशी तिला हृदयविकाराचा झटका आला होता. सुष्मिताला तिच्या तब्येतीबद्दल कोणताही आवाज नको होता, त्यामुळे तिने याबद्दल कोणालाच सांगितले नाही.

सुष्मिताने 2 मार्च रोजी इंस्टाग्राम पोस्टमध्ये खुलासा केला होता की तिची अँजिओप्लास्टी झाली होती आणि तिच्या हृदयात स्टेंट टाकण्यात आला होता. माजी मिस युनिव्हर्सने नंतर थेट चॅट सत्र देखील आयोजित केले, ज्यामध्ये तिने तिचे कुटुंब आणि डॉक्टरांचे आभार मानले. 

त्यानंतर सुष्मिता म्हणाली, 'मी खूप मोठ्या हृदयविकाराच्या झटक्यातून वाचले. ते खूप गंभीर होते. माझ्या धमनीत जवळपास 95% ब्लॉकेज होते, पण हा देखील एक टप्पा होता जो निघून गेला आहे.