ज्येष्ठ अभिनेते रमेश देव यांचं ह्रदयविकाराच्या झटक्याने निधन

मराठी चित्रपटसृष्टीत असे अनेक अभिनेते आहेत, ज्यांनी आपल्या अभिनय कौशल्याच्या जोरावर मोठं नाव कमावलं. त्यापैकीच एक असलेले ज्येष्ठ अभिनेते रमेश देव यांचं आज ह्रदयविकाराच्या झटक्याने निधन झालं. त्यांनी आपले संपूर्ण आयुष्य चित्रपट आणि अभिनयाला दिले. विशेष म्हणजे त्यांचा आज 96 वा वाढदिवस होता. रमेश देव यांनी मराठीसह हिंदींमध्ये आपल्या अभिनयाच्या माध्यमातून ठसा उमटवला होता. त्यांनी 1962 मध्ये नलिनी सराफ यांच्यासोबत विवाह बंधनात अडकले होते. ऑफस्क्रिन आणि ऑनस्क्रिन या दोघांची केमस्ट्री चांगलीच गाजली होती. रमेश देव यांच्या वाढदिवसानिमित्त या जोडीने विवाह आणि अभिनय क्षेत्रामधील त्यांचे करिअर जाणून घेऊया..

दरम्यान, रमेश देव पत्नी सीमा देव यांच्यापेक्षा 12 वर्षांनी मोठे आहेत. 1950 मध्ये रमेश देव यांनी आपल्या करिअरची मराठी चित्रपटापासून सुरुवात केली. पुढे त्यांनी हिंदी चित्रपटांत काम केले. त्यांनी छोटी छोटी पात्रे रुपेरी पडद्यावर साकारली. त्यानंतर देव यांना अनेक चित्रपटांत मुख्य भूमिकाही मिळत गेल्या. तर हिंदी चित्रपटांमध्ये अनेक दिग्गज कलाकरांबरोबर सहकलाकाराची भूमिका साकारली. याच वेळी दुसरीकडे सिनेसृष्टीत नलिनी सराफ हे नाव नावारुपाला आले.