New Release On OTT: येत्या आठवड्यात 'हे' चित्रपट ओटीटीवर रीलीज होणार

New Release On OTT: ओटीटी प्लेटफॉर्म (OTT Platform) आवडणाऱ्या रसिकांसाठी आगामी आठवडा मनोरंजनाची मेजवानी घेऊन येणार आहे. या आठवड्यात कोणकोणते चित्रपट ओटीटीवर रीलीज होणार आहेत, ते जाणून घेऊया.

ब्लर (Blurr)

अभिनेत्री तापसी पन्नू हीचा आगामी चित्रपट 'ब्लर' 9 डिसेंबर रोजी थेट ओटीटी प्लॅटफॉर्मवर रीलीज होत आहे. हा चित्रपट झी 5 वर येत आहे. गेल्या काही काळात तापसीचे अनेक चित्रपट बॉक्स ऑफिसवर अपयशी ठरले त्यामुळे हा चित्रपट थेट ओटीटीवर रीलीज होत आहे. हा चित्रपट सस्पेन्स थ्रिलर असून एका स्पॅनिश चित्रपटाची रीमेक आहे.

यशोदा (Yashoda)

साऊथ ब्युटी अभिनेत्री समंथा रूथ प्रभू (Samantha Ruth Prabhu) हीचा चित्रपट 'यशोदा' 11 नोव्हेंबर रोजी थिएटरमध्ये रीलीज झाला होता. त्यानंतर आता हा चित्रपट 9 डिसेंबरपासून अॅमेझॉन प्राईम व्हिडिओ या ओटीटी प्लॅटफॉर्मवर रीलीज होत आहे. बॉक्सऑफिसवर या चित्रपटाला फारसे यश मिळालेले नव्हते.

कॉफी विद कधल (Coffee with Kadhal)

तमिळ चित्रपट 'कॉफी विथ कधल' 4 नोव्हेंबर रोजी रीलीज झाला होता. या चित्रपटात तीन भाऊबहिणींची कहाणी आहे. हा चित्रपटदेखील 9 डिसेंबर रोजी झी 5 वर स्ट्रीम होणार आहे.

मासूम रागा (Monsoon Raaga)

सुप्रसिद्ध कलाकार धनंजय याचा 'मासूम रागा' हा चित्रपट 16 सप्टेंबर रोजी रीलीज झाला होता. या चित्रपटाला प्रेक्षकांचा मोठा प्रतिसाद लाभला होता. हा चित्रपट 9 डिसेंबरपासून झी 5 वर दिसणार आहे.

दरम्यान, बॉक्सऑफिसवर सध्या अजूनही 'दृश्यम 2'ची हवा असून पुढील आठवड्यात सर्वांचे लक्ष्य जेम्स कॅमेरून दिग्दर्शित 'अवतार 2' या चित्रपटाकडे असणार आहे. हा चित्रपट 16 डिसेंबर रोजी रीलीज होत आहे.