Manoj Bajpayee Upcoming Film: तीन दशकांहून अधिक काळात अनेक संस्मरणीय पात्रे साकारल्यानंतर, मनोज वाजपेयी नुकत्याच पूर्ण झालेल्या त्यांचा आगामी चित्रपट 'बंदा'सह पुन्हा एकदा प्रेक्षकांना आणि चाहत्यांना प्रभावित करण्यासाठी सज्ज झाला आहे. त्याचा आगामी कोर्टरूम ड्रामा चित्रपट 'बंदा'च्या पहिल्या पोस्टरचे अनावरण केले आहे.
चित्रपटाच्या या ब्लॅक अँड व्हाईट पोस्टरमध्ये मनोज वाजपेयी चष्म्यासह एका इंटेन्स लूकमध्ये पाहायला मिळतो. या चित्रपटाचे शूटिंग जोधपूर आणि मुंबईमध्ये झाले असून, हा चित्रपट 2023 मध्ये प्रदर्शित होणार आहे.
चित्रपटाच्या शेवटच्या सीनचे शूटिंग करताना सर्व कलाकार आणि क्रू यांनी पॉवरहाऊस अभिनेता मनोज वाजपेयी याला स्टँडिंग ओव्हेशन दिले होते. हा एक तीव्र कोर्टरूम सीन होता. यानंतर केक कापून चित्रपटाचे शूटिंग पूर्ण झाल्याचा आनंद साजरा करण्यात आला. तसेच, या बहुप्रतिक्षित चित्रपटात केलेल्या कामाबद्दल संपूर्ण टीमने कृतज्ञतादेखील व्यक्त केली.
झी स्टुडिओज आणि भानुशाली स्टुडिओज लिमिटेड प्रस्तुत तसेच अपूर्व सिंग कार्की दिग्दर्शित सुपर एस वर्मा यांचा आगामी कोर्टरूम ड्रामा 'बंदा'ची निर्मिती विनोद भानुशाली, कमलेश भानुशाली, आसिफ शेख आणि विशाल गुरनानी केली असून जुही पारेख मेहता यांनी सह-निर्मिती केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.