अनुपम खेर स्टारर 'द कश्मीर फाइल्स' (The Kashmir Files) या चित्रपटाने 11 मार्च रोजी बॉक्सऑफीसवर धमाकेदार सुरुवात केली आहे. काश्मिरी पंडितांवर बनलेल्या हृदयद्रावक चित्रपटाने पहिल्याच दिवशी बॉक्स ऑफिसवर अनेकांची मने जिंकली आहेत. या चित्रपटाने जबरदस्त ओपनिंग केली आहे. काश्मीर फाइल्सला समीक्षक आणि प्रेक्षकांकडून सकारात्मक प्रतिसाद मिळत आहे.
व्यापार विश्लेषक तरण आदर्श यांनी द काश्मीर फाइल्सच्या पहिल्या दिवसाचे बॉक्स ऑफिस कलेक्शन शेअर केले आहे.'#TheKashmirFiles ने पहिल्या दिवशी एक मोठं सरप्राईज दिलं...मर्यादित स्क्रीन असूनही दिवसाअखेरीस चित्रपटाची जादू सिनेरसिकांवर होतांना दिसत आहे. दुसऱ्या आणि तिसर्‍या दिवशी संध्याकाळ आणि रात्रीचे शो एक्स्ट्रा-ऑर्ड‍िनरी होते.. या कमाईत प्रचंड वाढ होईल हे नक्की. आज शुक्रवारी 3.55कोटींची कमाई या चित्रपटाने केली आहे #India' अशी पोस्ट तरण आदर्श यांनी केली आहे.
विवेक अग्निहोत्री दिग्दर्शित, काश्मीर फाइल्स 1990 मध्ये काश्मिरी पंडितांच्या हत्याकांडावर आधारित आहे. भारताच्या इतिहासातील ही एक अत्यंत क्लेशदायक घटना आहे, जी काश्मिरी आणि इतर भारतीयांच्या मनात अनेक दशकांपर्यंत राहील. चित्रपटाच्या ट्रेलरमध्ये दिसणारी दहशत, घबराट, भीतीने प्रेक्षकांना खूप उत्साही केले होते.परिणामी चित्रपट पाहण्यासाठी लोकांची ओढ वाढत आहे.
561 चित्रपटगृहांमध्ये प्रदर्शित
काश्मीर फाइल्स भारतात 561 सिनेमागृहात, परदेशातील 113 स्क्रीन्सवर रिलीज झाला आहे. ही संख्या इतर बिग बजेट चित्रपटांपेक्षा कमी आहे. मात्र असे असतानाही चित्रपटाची पहिल्या दिवसाची कमाई आश्चर्यकारक आहे. या सिनेमात अनुपम खेर व्यतिरिक्त मिथुन चक्रवर्ती, पल्लवी जोशी, प्रकाश बेलावाडी, दर्शन कुमार, भाषा सुंबली, पुनीत इस्सार यांच्यासह इतर कलाकार मुख्य भूमिकेत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
