Taapsee Pannu's Upcoming Movie Blurr Teaser Out: बॉलीवूड अभिनेत्री तापसी पन्नू हिच्या आगामी 'ब्लर' या चित्रपटाचा अंगावर काटा आणणारा टीझर रीलीज झाला आहे. 'ब्लर' हा एक सायकॉलॉजिकल थ्रिलर चित्रपट असणार आहे. यात एक मर्डर मिस्ट्री पाहायला मिळणार आहे. हा चित्रपट येत्या 9 डिसेंबर रोजी झी 5 या ओटीटी प्लॅटफॉर्मवर रीलीज होणार आहे. या चित्रपटात तापसीसह गुलशन देवैया हा देखील मुख्य भूमिकेत आहे.
या वर्षी तापसीचे दोन चित्रपट रीलीज झाले होते. एक म्हणजे महिला क्रिकेटपटू मिताली राज हिचा बायोपिक असलेला 'शब्बाश मिट्ठू' आणि टाईम ट्रॅव्हल संकल्पनेचा वापर असलेला 'दोबारा'. तथापि, हे दोन्ही चित्रपट बॉक्स ऑफिसवर सुपरफ्लॉप ठरले. त्यामुळे आता 'ब्लर'कडून तापसीला खूप आशा असणार आहेत. काही दिवसांपुर्वीच या चित्रपटाचे मोशन पोस्टर रीलीज करण्यात आले होते.
टीझरलमध्ये पाहायला मिळते की, तापसीच्या कॅरेक्टरचे नाव गायत्री असे आहे. तिला स्पष्ट काहीही दिसत नाहीय. जे काही दिसते आहे ते अंधुक, अस्पष्ट दिसते आहे. पण, घरात कुणीतरी आहे, याची तीला जाणीव झाली आहे. ती तसे विचारतेही, पण तिला काहीच उत्तर मिळत नाही. ती ओरडून विचारते तरीहीत तिला उत्तर मिळत नाही.
इन्स्टाग्रामवर हा टीझर शेअर करत तापसीने लिहिले आहे की, संकटाची चाहूल चहुबाजूंनी येते आहे, पण गायत्रीला ते संकट दिसेल का? तिच्या डोळ्यांनी तिचे जग पाहायला तयार राहा..
या चित्रपटात तापसीचे कॅरेक्टर हे तिच्या जुळ्या बहिणीच्या मृत्यूचा तपास करताना पाहायला मिळणार आहे. पण, हे करत असताना तिला हळहळू स्वतःची दृष्टी गमवावी लागत आहे. तापसी या चित्रपटाची निर्मातीदेखील आहे. स्पॅनिश चित्रपट 'ज्युलियाज आईज' या चित्रपटाचा हा हिंदी रीमेक आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.