Bonda Mani : तमिळ चित्रपटातील अतिशय गाजलेल व्यक्तिमत्व तसेच आपल्या प्रेक्षकांना सतत कॉमेडिच्या माध्यमातून हसत खेळत ठेवणारे. तमिळ अभिनेते, कॉमेडियन बोंडा मणींनी वयाच्या ६० व्या वर्षी अखेरचा श्वास घेतला.
शनिवारी रात्रीच्या सुमारास ते अचानक खाली कोसळले, त्यानंतर बोंडांना चेन्नईमधील शासकिय रुग्णालयात दाखल करण्यात आले. तपासणी पूर्ण झाल्यानंतर डॉक्टरांनी त्यांना मृत घोषित केले. या घटनेची अधिकृत माहिती श्रीधर पिल्लई यांनी ट्विटर (x) या सोशल मीडिया माध्यमाद्वारे रविवारी दिली.
बोंडा यांच्या अनेक भूमिकांनी तमिळ प्रेक्षकांना भूरळ घातली. ते गेल्या अनेकदिवसांपासून आजाराने ग्रासलेले होते. काही वर्षापूर्वी तमिळ चित्रपटसृष्टीतील कलाकारांनी बोंडाना उपचार करण्यासाठी आर्थिक मदत देखील केली होती.
श्रीलंकन वंशाचे होते बोंडा मणी
बोंडा मनी हे श्रीलंकन वंशाचे असले तरी त्यांचे भारताशी अतूट नाते होते.भारतीय संस्कृतीशी असणारा जिव्हाळा त्यांच्या कलाकृतीतून दिसून येतो. त्यांनी आतापर्यंत 270 पेक्षा अधिक चित्रपटामध्ये काम केले आहे.
तसेच त्यांच्या अनेक भूमिका गाजल्या आहेत. बोंडा मणींच्या निधनाचे वृत्त कळताच अनेक चाहत्यांनी सोशल मीडियाच्या माध्यमातून हळहळ व्यक्त केली आहे.
मणींचे पार्थिव पोझिचलूर येथील त्यांच्या निवासस्थानी श्रद्धांजलीसाठी ठेवण्यात आले आहे. त्यांच्यावर ५ वाजता चेन्नईतील क्रोमपेट स्मशाभूमित अंतिम संस्कार करण्यात येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.