Babul Bihari Arrested: सध्या बाबुल बिहारी या गायकामुळे भोजपुरी इंडस्ट्री जोरदार चर्चेत आहे. एका विकृत घटनेमुळे हा गायक चर्चेत आला आहे.एका घटनेने भोजपुरी सिनेसृष्टी सध्या खुपच चर्चेत आली आहे.
भोजपुरी इंडस्ट्रीतील अभिनेते आणि अभिनेत्रीच नव्हे तर गायकही कोणत्या ना कोणत्या कारणाने चर्चेत असतात. त्यातच आता भोजपुरी इंडस्ट्रीतुन धक्कादायक बातमी समोर आली आहे.
प्रसिद्ध भोजपुरी गायक अभिषेक उर्फ बाबुल बिहारी याला अल्पवयीन मुलीवर बलात्कार आणि सोशल मीडियावर आक्षेपार्ह फोटो पोस्ट केल्याप्रकरणी अटक करण्यात आली आहे. बाबुल बिहारी हा भोजपुरी गायक आहे. त्याचं खरं नाव अभिषेक असं आहे. बिहारमध्ये वास्तव्यास असलेल्या बाबुल बिहारीचं युट्यूब चॅनेलही आहे.
पोलीस सध्या या प्रकरणाचा तपास करत आहेत. दुसरीकडे, पोलिसांनी बुधवारी पीडित तरुणी आणि तिच्या कुटुंबीयांची चौकशी केली. यात 13 वर्षीय पीडितेने संपूर्ण घटना क्रम पोलिसांना सांगितला.
मिळालेल्या माहितीनुसार हे प्रकरण दोन वर्षे जुनं आहे. गायक बाबुल बिहारी याने दोन वर्षांपूर्वी एका १३ वर्षीय मुलीला फूस लावली. तिच्याशी मैत्री केल्यानंतर तो तिला हॉटेलच्या खोलीत घेऊन गेला, तिथे त्याने तिच्यावर बलात्कार केला. त्याचबरोबर तिचे काही फोटोही काढले. या घटनेनंतर तरुणीने आरोपीपासून लांब राहिली.
इतके दिवस पीडितेच्या कुटुंबीयांनाही या घटनेची माहिती नव्हती. बाबुल बिहारी याने दोन वर्षांनंतर या घटनेची आक्षेपार्ह फोटो सोशल मीडियावर पोस्ट केली, त्यानंतर तो पकडला गेला.
पीडितेच्या कुटुंबीयांनी ही फोटो पाहिल्यानंतर त्यांनी मुलीची चौकशी केली. त्यानंतर पीडितेने त्या घटनेची माहिती दिली. यानंतर मुलीच्या पालकांनी बुधवारी पोलिसात धाव घेतली.
पीडितेची चौकशी केल्यानंतर सेक्टर-14 पोलिस स्टेशनमध्ये पॉक्सो कायदा आणि आयटी कायद्यांतर्गत आरोपीविरुद्ध एफआयआर नोंदवण्यात आला.
एफआयआरच्या आधारे, आरोपीला काही तासांत अटक करण्यात आली, पोलिस प्रवक्ते सुभाष बोकन म्हणाले, त्याला शहर न्यायालयात हजर केले गेले आणि न्यायालयीन कोठडी सुनावण्यात आली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.